ហេតុអ្វី ខាន់ ជេមស៍ ស្ងប់ស្ងាត់?

2014-12-17 13:00:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ខាន់ ជេមស៍ កំពុងមានទីផ្សារខ្លាំងសម្រាប់ការប្រគំតន្ត្រីនៅតាមបណ្ដាខេត្ត ខណៈបទចម្រៀងក្នុងផលិតកម្ម Sunday ហាក់ស្ងប់ស្ងាត់ មិនសូវមានបទថ្មីៗ ចរាចរណ៍លើទីផ្សារនោះទេ។

តារាចម្រៀងរូបនេះបានប្រាប់ Sabay ថ្មីៗនេះថា៖ “បានខាងផលិតកម្ម និងថ្នាក់លើគាត់អនុគ្រោះដែរ ដូច្នេះមិនសូវអីទេ ខ្ញុំអាចចេញទៅសម្ដែងតាមខេត្តរកកម្រៃបានខ្លះអញ្ចឹងទៅ!”។ នោះជាមូលហេតុនាំឲ្យស្ងាប់ស្ងាត់ក្នុងមួយរយៈចុងក្រោយនេះ។

ខាន់ ជេមស៍ បន្តថា មានការប្រគំតន្ត្រីជាច្រើននៅតាមខេត្ត ធ្វើឲ្យរូបគេស្ទើរមិនអាចដកខ្លួនបាននោះទេ ព្រោះត្រូវចល័តទៅមកតាមបណ្ដាខេត្តនានា ជាការកំណត់របស់អ្នករៀបចំកម្មវិធីនីមួយៗ។ រូបគេ មិនឲ្យភាគីណាមួយអន់ចិត្តទេ ព្រោះនៅមានការសហការគ្នាលើកក្រោយៗទៀត នោះដើម្បីរក្សាចំណងទាក់ទង។

ខាន់ ជេមស៍ បញ្ជាក់៖ “ព្រោះតែអញ្ចឹងហើយ បានជាមិនសូវមានបទចម្រៀងចេញច្រើន តែប្រហែលជាមិនយូរទេ នឹងដូចដើម"។ ដោយសារតែទីផ្សារសិល្បៈតាមខេត្តកំពុងមមាញឹក ទើបសុំការយោគយល់ពីមេកោយរបស់ខ្លួនយ៉ាងដូច្នេះ។ សូម្បីក្ដីបំណងចង់ទៅសួរសុខទុក្ខភិរម្យ ប្រាជ្ញ ឈួន ដល់ផ្ទះរបស់គាត់នោះ ក៏មិនអាចមានពេលដែរ។

ទោះបីជាយ៉ាងណា តារាចម្រៀងរូបនេះអះអាងថា បានផ្ញើថវិកាតាមរយៈអ្នករួមអាជីព ដើម្បីជួនព្រឹទ្ធាចារ្យចម្រៀងចាប៉ីដងវែងខាងលើដូចគេដូចឯងដែរ នាពេលកន្លងមកទោះមិនទាន់មានឱកាសទៅដោយផ្ទាល់។ លោកថា ថវិកាតិចតួចផ្ដើមចេញពីការគោរពស្រលាញ់ចំពោះលោកតា ក្នុងនាមជាអ្នកសិល្បៈជំនាន់ក្រោយមួយរូប និងរស់នៅខេត្តជាមួយគ្នា។

លោកអះអាងថា៖“នៅពេលបានចូលរួមចំណែកជួយគាត់អញ្ចឹងទៅ មានអារម្មណ៍ថា អស់ចិត្តហើយ។ ខ្ញុំនឹងទៅជួបសួរសុខទុក្ខគាត់ដោយផ្ទាល់ ពេលរួចដៃ"។ ជាមួយគ្នានោះ រូបគេក៏បានថ្លែងអំណរគុណ ពីថ្នាក់លើចំពោះការយោគយល់កន្លងមក៕

អានអត្ថបទ៖ មង្គលការ, ឡើងផ្ទះ និងខួបកំណើត លាង ឧត្ដម ចំណាយដល់ក!

អានអត្ថបទ៖ ពិធីករកម្មវិធី"រង្វាន់ទេវតា" សុខចិត្តបិទហាង ព្រោះអាណិតម្ដាយ

អានអត្ថបទ៖ នាយ កុយ និងនាយ ក្រឹម លាក់បាំងព័ត៌មានឡើងផ្កាយ១?

អត្ថបទ៖ សំ ជំនាញ