ថាម៉េច ព្រះនាងចៀវវៃរៀបការជាមួយស្រីដូចគ្នា? (វីដេអូ)

2014-12-17 19:40:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ រូបថតច្រើនសន្លឹកដែលតារាសម្ដែងតៃវ៉ាន់ Ruby Lin និងតារាចម្រៀង Jolin Tsai បានថតក្នុងឈុតរៀបការជាមួយស្រីដូចគ្នា ត្រូវបានចែកចាយពេញបណ្ដាញ Facebook ធ្វើឲ្យអ្នកគាំទ្រជាច្រើនភ្ញាក់ផ្អើល និងលើកជាសំណួរថាតើពួកគេពិតជារៀបការជាមួយស្រីដូចគ្នាមែនទេ?

ការពិតនេះគឺជាការថត MV ថ្មីមួយតែប៉ុណ្ណោះ។ បទចម្រៀងនេះមានចំណងជើង "We're All Different, Yet The Same” ច្រៀងដោយតារាចម្រៀងវ័យ ៣៤ឆ្នាំ Jolin Tsai ដែលទើបតែចេញនៅលើ Youtube កាលពីល្ងាចម្សិលមិញ។

អត្ថន័យនៃបទចម្រៀងនេះរៀបរាប់ពីជីវិតស្នេហាស្រីស្រឡាញ់ស្រី (Lesbian) មួយគូដែលបានរស់នៅជាមួយគ្នារយៈពេល ៣០ឆ្នាំ។ ថ្ងៃមួយម្នាក់នៃពួកគេ មានជំងឺធ្ងន់ត្រូវវះកាត់ ប៉ុន្តែម្នាក់ទៀតមិនអាចចុះហត្ថលេខាលើឯកសារធានាបានដោយសារតែមិនមែនជាសមាជិកគ្រួសារស្របច្បាប់។ គ្រូពេទ្យសួរថា "តើអ្នកមានទំនាក់ទំនងអ្វីជាមួយអ្នកជំងឺ?” នាងបានត្រឹមតែឆ្លើយថា "ជាមិត្តល្អ"។ តួឯកក្នុងបទចម្រៀងនេះគឺតារាសម្ដែងជើងចាស់ Grace Guei ស្របពេលដែលតារាសម្ដែងវ័យ ៣៨ឆ្នាំជាតួព្រះនាងចៀវវៃ Ruby Lin និងម្ចាស់បទចម្រៀង Jolin សម្ដែងជាតួអង្គកាលនៅក្មេង។ Jolin និង Ruby បានសម្ដែងឈុតរៀបការដោយស្លៀករ៉ូបកូនក្រមុំទាំងពីរនាក់ និងមានឈុតថើបមាត់គ្នាទៀតផង។

សម្រាប់បទចម្រៀងថ្មីនេះ តារាចម្រៀង Jolin បាននិយាយថា "ស្នេហាក្នុងទម្រង់បែបណាក៏គួរតែទទួលបានការគាំទ្រដែរ។ យើងមិនគួរវាយតម្លៃ ឬរិះគន់ពីស្នេហានរណាម្នាក់ ដោយសារគេស្រឡាញ់ភេទដូចគ្នានោះទេ"។

ទស្សនាវីដេអូបទ "We're Different, Yet The Same” របស់ Jolin Tsai៖

http://youtu.be/C7hHofDW2ts