កម្មវិធី​ប្រឡង​ចម្រៀង The Voice America រដូវ​កាល​ទី​៧ របស់​ទូរទស្សន៍ NBC បាន​រក​ឃើញ​ម្ចាស់​ពាន​រង្វាន់​ហើយ​កាល​ពី​យប់​ថ្ងៃអង្គារ (ព្រឹក​ថ្ងៃ​ចន្ទ នៅ​កម្ពុជា) ដោយ​ជយលាភី​រដូវ​កាល​នេះ​បាន​ទៅ​លើ​បេក្ខជន Craig Wayne Boyd។

ក្នុង​ចំណោម​បេក្ខជន​ទាំង​៤​នាក់​ដែល​ឈាន​ដល់​វគ្គ​ផ្ដាច់​ព្រ័ត្រ មាន​បេក្ខជន​ចំនួន ៣​នាក់​ជា​កូន​ក្រុម​របស់​តារា​ចម្រៀង Adam Levine (កូន​ក្រុម​របស់​តារា​ចម្រៀង Pharrell និង Gwen Stefani បាន​ធ្លាក់​អស់​​ត្រឹម​វគ្គ Semi-final កាល​ពី​សប្ដាហ៍​មុន)។ ប៉ុន្តែ​ចុង​ក្រោយ​ជយលាភី​បាន​ទៅ​លើ ​បេក្ខជន Craig Wayne Boyd ជា​តារា​ចម្រៀង​ចង្វាក់ Country Rock និង​ជា​កូន​ក្រុម​របស់​តារា​ចម្រៀង Blake Shelton។

មុន​នឹង​ចូល​ដល់​វគ្គ​ផ្ដាច់​ព្រ័ត្រ​នេះ បេក្ខជន​ម្នាក់​ៗ​បាន​ចេញ​បទ​ចម្រៀង Original ម្នាក់​មួយ​បទ ដែល​បទ​ចម្រៀង​របស់​បេក្ខជន​ម្នាក់​បាន​ជាប់​ក្នុង​ចំណោម​ចំណាត់​ថ្នាក់​កំពូល​ទាំង​១០ លើ​តារាង iTunes បន្ទាប់​ពី​ការ​បោះឆ្នោត​បាន​បញ្ឈប់​នៅ​ថ្ងៃ​ទី​១៦ ខែ​ធ្នូ។ តាម​រយៈ​ការ​បោះឆ្នោត បទ​ចម្រៀង "Wasted Love” របស់​បេក្ខជន Matt McAndrew បាន​ឈរ​លើ​ចំណាត់ថ្នាក់​ខ្ពស់​ជាង​គេ បន្ទាប់​មក​គឺ​បទ "My Baby's Got a Smile on Her Face” របស់​បេក្ខជន Craig Wayne Boyd និង​លេខ​បី​គឺ​បទ "Velvet” របស់​ Chris Jamison។

ប៉ុន្តែ​ក្រោយ​ការ​សម្ដែង​ផ្ទាល់​បញ្ចប់ លទ្ធផល​ពិត​ប្រាកដ​បង្ហាញ​ថា បេក្ខជន Damien Lawson ជាប់​លេខ ៤, បេក្ខជន Chris Jamison ជាប់​លេខ​៣, បេក្ខជន Matt McAndrew ជាប់​លេខ​ពីរ និង​ចំណាត់​ថ្នាក់​លេខ​មួយ​គឺ Craig Wayne Boyd។ ជាមួយ​ជយលាភី​លេខ​មួយ​នេះ Craig អាច​ទទួល​បាន​ទឹក​ប្រាក់ ១​សែន​ដុល្លារ រួម​ជាមួយ​កុងត្រា​ចូល​ច្រៀង​ក្នុង​ផលិតកម្ម Universal Music Group ដែល​ជា​ផលិតកម្ម​ចម្រៀង​ធំ​ជាង​គេ​ក្នុង​ពិភពលោក។

http://youtu.be/pfTzQ3LNOmQ

ក្រៅ​ពី​ការ​សម្ដែង​របស់​បេក្ខជន​ និង​គ្រូ​បង្វឹក វគ្គ​ផ្ដាច់​ព្រ័ត្រ​កម្មវិធី The Voice America រដូវ​កាល​ទី​៧ មាន​ការ​ចូលរួម​សម្ដែង​ដោយ​តារា​ចម្រៀង​ល្បី​ៗ​ដូច​ជាMark Ronson, Bruno Mars, Jennifer Hudson, Ed Sheeran, Lynyrd Skynyrd, Jessie J, Hozier, Meghan Trainor, និង Fall Out Boy។

ទស្សនា​ការ​សម្ដែង​របស់​បេក្ខជន​ជាប់​ជយលាភី The Voice America រដូវ​កាល​ទី​៧៖

http://youtu.be/E62N_WYraIg

បេក្ខជន Craig Wayne Boyd ច្រៀង​ជាមួយ​គ្រូ​បង្វឹក Blake Shelton ៖

http://youtu.be/ifEea4BYXZU

វីដេអូ​​ចម្រៀង​ដែល Craig Wayne Boydបាន​ចេញ​មុន​ប្រឡង​វគ្គ​ផ្ដាច់​ព្រ័ត្រ៖

http://youtu.be/Ekxe7Fbqocw

រំឭក​ការ​សម្ដែង​របស់ Craig Wayne Boyd នៅ​វគ្គ​ដំបូង Blind Audition៖

http://youtu.be/63VlhndZyeQ

ចុច​ត្រង់​នេះ​ ដើម្បី​ទស្សនា​ជយលាភី​ The Voice America រដូវ​កាល​មុន​ៗ

យល់​យ៉ាង​ណា​ដែរ ចំពោះ​ជយលាភី​ថ្មី​របស់​ The Voice រូប​នេះ?

ប្រែ​សម្រួល៖ វ៉ាន់ថន ប្រភព៖ usmagazine