បែកធ្លាយរូបមន្រ្តីចូល KTV ឱបមិនលែង ល្បីពេញអ៊ីនធើណិត

2014-12-17 23:50:36
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតជាច្រើនសន្លឹក បង្ហាញពីមន្ត្រីចិនចូលឱបស្រី ច្រៀងសប្បាយក្នុងហាងខារ៉ាអូខេ បានបែកធ្លាយពេញប្រទេសចិនកាលពីថ្ងៃអង្គារម្សិលមិញនេះ បង្កឲ្យមានការទិតៀនយ៉ាងខ្លាំងពីប្រជាជន។ មន្ត្រីនៅក្នុងរូបនោះ គឺលោក Lin Zhonghui ដែលជាអនុប្រធានការិយាល័យរដ្ឋបាលខណ្ឌ Jin'an ក្រុង Fuzhou ខេត្ត Fujian ប្រទេសចិន។

លោក Lin បានប្រាប់អ្នកយកព័ត៌មានថា មានគេប្រើរូបនេះ ដើម្បីគំរាមលោក។ កាលពីខែឧសភាឆ្នាំមុន លោកត្រូវបុរសពីរនាក់អញ្ជើញឲ្យចូលរួមទទួលទានអាហារពេលល្ងាច បន្ទាប់មកគេបាននាំលោកទៅក្លិបរាត្រី។ ពេលនោះលោកស្រវឹងខ្លាំង ក៏ស្នាក់នៅសណ្ឋាគារមួយយប់។ ភ្ញាក់ពីសណ្ឋាគារនៅថ្ងៃបន្ទាប់ លោកត្រូវចំណាយប្រាក់អស់ ១០០០០យាន់(ជាង ១៦០០ដុល្លារ) ទៅលើការកម្សាន្ត កាលពីយប់។ ចាប់ពីពេលនោះមក មានគេគំរាមចែកចាយរូបនេះរហូត។

ក្រោយមានការគំរាម មន្ត្រីការិយាល័យស្រុកនេះ មានគម្រោងនឹងហៅទូរស័ព្ទទៅប៉ុស្តិ៍ប៉ូលិស ប៉ុន្តែចេះតែជាប់រវល់ រហូតដល់មានការបែកធ្លាយរូបថតនេះ។ លោកបានប្រាប់សារព័ត៌មានថា "ពេលនោះខ្ញុំស្រវឹង ឥតដឹងខ្លួន... មិនចាំថាមានអីកើតឡើងទេ"។ លោកបាននិយាយបន្តទៀតថា "ខ្ញុំនឹងតេទៅប៉ូលិសឥឡូវនេះ សង្ឃឹមថាគេជួយស៊ើបពីរឿងនេះអោយ"៕