រដ្ឋមន្ត្រីសុខាភិបាលជិះឡានទៅបាត់ដំបងទាំងយប់ បន្ទាប់ពីផ្ទុះជំងឺអេដស៍ឆ្លងអ្នកភូមិ
- 2014-12-18 01:26:45
- ចំនួនមតិ 0 | ចំនួនចែករំលែក 0
រដ្ឋមន្ត្រីសុខាភិបាលជិះឡានទៅបាត់ដំបងទាំងយប់ បន្ទាប់ពីផ្ទុះជំងឺអេដស៍ឆ្លងអ្នកភូមិ
ចន្លោះមិនឃើញ
ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលបានធ្វើដំណើរទៅខេត្តបាត់ដំបងទាំងយប់ ដើម្បីតាមដានផ្ទាល់ករណីឆ្លងរីករាលដាលជំងឺអេដស៍នៅក្នុងភូមិរកា ឃុំរកា ស្រុកសង្កែ ខេត្តបាត់ដំបង។ គិតត្រឹមម៉ោង ១២ ថ្ងៃទី១៧ ខែធ្នូ ឆ្នាំ២០១៤ មានមនុស្ស ១០៦ នាក់ត្រូវបានតេស្ដឈាមឃើញមានផ្ទុកជំងឺអេដស៍។
លោក មាន ឈីវ៉ុន ប្រធានមជ្ឈមណ្ឌលជាតិប្រយុទ្ធជំងឺអេដស៍ សើស្បែក និងកាមរោគ នៃក្រសួងសុខាភិបាលបានប្រាប់ Sabay ថា ស្អែកនេះនឹងមានពិធីជួបជុំ សំណេះសំណាលមួយរវាងអ្នកភូមិរកា និងលោករដ្ឋមន្ត្រីក្រសួងសុខាភិបាល ដើម្បីបង្កើនភាពកក់ក្តៅ និងលើកទឹកចិត្ត ជាពិសេសណែនាំពីវិធីថែរក្សាសុខភាពឲ្យបានល្អប្រសើរ។ លោកថា មន្ត្រីសុខាភិបាល និងអង្គការក្រៅរដ្ឋាភិបាលជាច្រើនកំពុងរួមគ្នាធ្វើការស្រាវជ្រាវឲ្យបានលំអិត ថា តើអ្វីជាដើមហេតុនាំឲ្យឆ្លងរីករាលដាលបែបនេះ។ "មន្ត្រីជំនាញជាង១០នាក់ រួមនឹងមន្ត្រីមកពីអង្គការក្រៅរដ្ឋាភិបាលកំពុងធ្វើការតាមដាន និងប្រមូលព័ត៌មានពីប្រភពនានា តើពួកគាត់ព្យាបាលនៅឯណា? ប្រើប្រាស់ឧបករណ៍យ៉ាងដូចម្តេច? យើងមិនទាន់ដាក់ការសង្ស័យលើអ្នកណាម្នាក់នៅឡើយជុំវិញបញ្ហាខាងលើ គ្រាន់តែប្រមូលព័ត៌មានប៉ុណ្ណោះ ព្រោះមុននឹងចោទប្រកាន់អ្នកណាម្នាក់ត្រូវមានភស្តុតាងពិតប្រាកដ”។ លោក មាន ឈីវ៉ុន បន្ថែម។
ដោយថ្លែងកោតសរសើរចំពោះអ្នកភូមិ ដែលមិនបង្កភាពច្របូកច្របល់ និងបាតុភាពអ្វី អ្នកភូមិទាំងនោះ ថែមទាំងបានរស់នៅធម្មតា និងមិនមានការរើសអើងនោះទេ។ លោក មាន ឈីវ៉ុន បន្ថែម។
លោក វឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបងបានប្រាប់ Sabay ថា គិតត្រឹមម៉ោង១២ ថ្ងៃត្រង់នេះ មានអ្នកជំងឺជាង ១០៦ នាក់រស់នៅក្នុងភូមិរកា ឃុំរកា ត្រូវបានរកឃើញមានជំងឺអេដស៍៕ អត្ថបទ៖មៃ សុខលីម រូបថត៖ akp.gov.kh
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
