អេឡិច ច័ន្ទត្រា ធ្វើខួបមិនបានគ្រោងទុក តែតារាចូលរួមភ្ល្លូកទឹកភ្លូកដី!

2014-12-18 14:11:30
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក អេឡិច ច័ន្ទត្រា មិនបានគ្រោងទុកជាមុនទេ ក្នុងពិធីខួបយប់មិញនាភោជនីយដ្ឋាន Vi-Friend ក្រោយមន្ទីរពេទ្យកុមារជាតិ ក៏ប៉ុន្តែសិល្បករ សិល្បការិនីមកចូលរួមភ្ល្លូកទឹកភ្លូកដី ស្ទើរគ្មានសល់។

តារាសម្ដែង និង ជាតារាចម្រៀង លោក អេឡិច ច័ន្ទត្រា និយាយថា៖ "ខ្ញុំគ្មានគម្រោងទុកជាមុនទេបងខួបថ្ងៃហ្នឹង មិត្តភ័ក្ដិចេះតែជំរុញ ហើយសូម្បីតែអ្នកចូលរួមភាគច្រើនសំបុត្រអញ្ជើញចូលរួមតាមទូរសព្ទប៉ុណ្ណោះ តែអរគុណពួកគាត់មកចូលរួមច្រើន"។

នំខួបកំណើត អេឡិច ច័ន្ទត្រា យប់មិញ

លោកបន្តខួបកំណើតយប់មិញលោកធ្វើក្នុងគម្រប់ខួប ២៨ឆ្នាំ និងរៀបចំប្រមាណជា ២០តុ ដោយចំណាយជាទឹកជាង ៧ពាន់ទៅ ៨ពាន់ដុល្លារ។ តារាសម្ដែងរូបនេះបង្ហាញអារម្មណ៍សប្បាយរីករាយជាខ្លាំងនៅពេលមានវត្តមាន សិល្បករ សិល្បការិនីជាច្រើនអញ្ជើញចូលរួម។

ជាលើកទី៥ហើយ ដែលលោក អេឡិច ច័ន្ទត្រា ធ្វើខួបកំណើតមានលក្ខណៈទ្រង់ទ្រាយធំដូចជាសិល្បករ សិល្បការិនីដទៃ។ បន្ទាប់ពីធ្វើខួបកំណើតចប់លោកត្រៀមនឹងបើកអាជីវកម្មផ្ទាល់ខ្លួនមួយថ្មីទៀត តែលោកមិនទាន់បង្ហើបឱ្យដឹងនៅឡើយទេ៕