Wow! អាវរបស់ Man Utd ផលិតនៅស្រុកខ្មែរ

2014-12-19 00:24:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អាវធំរបស់ក្លិបបិសាចក្រហម Manchester United ដែលពេញនិយមទូទាំងពិភពលោក និងទទួលបានការគាំទ្រស្ទើរអ្នកគាំទ្រតាមពិតផលិតនៅរោងចក្រកាត់ដេឈ្មោះ ឌូហឺស្ត(ខេមបូឌា) ខូអិលធីឌី ក្នុងប្រទេសកម្ពុជា។ នេះបើតាមការឲ្យដឹងពីលោកស្រី ទេព ម៉ូណា តំណាងក្រុមហ៊ុនដែលបានប្រាប់អ្នកយកព័ត៌មានទូរទស្សន៍បាយ័នកាលពីថ្ងៃទី១៨ ខែធ្នូ ឆ្នាំ២០១៤។

តាមប្រភពព័ត៌មានបាយ័នបានឲ្យដឹងថា លោកស្រី ទេព ម៉ូណា បានជម្រាបប្រាប់ឯកឧត្តម អ៊ិត សំហេងថា រោងចក្រឌូហឺស្ត(ខេមបូឌា) ខូអិលធីឌីដែលស្ថិតនៅភូមិទួលពង្រ សង្កាត់ចោមចៅ ខណ្ឌពោធ៌សែនជ័យ រាជធានីភ្នំពេញបានចាប់ដំណើរការអាជីវកម្មកាលពីខែមករា ឆ្នាំ ២០១២ បានសម្លៀកបំពាក់ល្បីៗសម្រាប់ទីផ្សារទូទាំងពិភពលោក សូម្បីតែអាវធំរបស់ក្រុមបាល់ទាត់កំពូលអង់គ្លេស Manchester United ក៏ផលិតនៅរោងចក្ររបស់លោកស្រីដែរ។ ការលេចចេញព័ត៌មានអំពីអាវធំរបស់ក្រុមបាល់ទាត់កំពូលអង់គ្លេសផលិតនៅស្រុកខ្មែរនេះបានកើតឡើងបន្ទាប់ពីឯកឧត្ដម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈបានចុះទៅធ្វើទស្សនកិច្ចនៅក្នុងរោងចក្រនៅរោងចក្រផ្ទាល់ ហើយតំណាងរោងចក្របានជម្រាបប្រាប់ឯកឧត្តម៕