វិធីជ្រើសរើសសំឡីអនាម័យឲ្យបានត្រឹមត្រូវ

2014-12-19 18:12:51
ចំនួនមតិ 0 | ចំនួនចែករំលែក 0

ចន្លោះមិនឃើញ

សុភាពនារីគ្រប់រូបតែងតែមករដូវជារៀងរាល់ខែ ដែលចាំបាច់ត្រូវប្រើប្រាស់សំឡីអនាម័យដើម្បីទប់ស្កាត់ការជ្រាបចេញមកក្រៅ។ តើមានស្ត្រីប៉ុន្មាននាក់ដែលបានជ្រើសរើសសំឡីបានល្អ? ខាងក្រោមនេះជាវិធីជ្រើសរើសសំឡីអនាម័យឲ្យបានត្រឹមត្រូវ៖

១. ពិនិត្យមើលអត្រាស្រូបយក

សំឡីអនាម័យល្អមួយបន្ទះគួរតែអាចមានសមត្ថភាពស្រូបយកបរិមាណដ៏ច្រើននៃឈាមរដូវ ឬគួរតែមានស្រទាប់ជែលពាក់កណ្ដាលដែលអាចទទួលឈាមកង្វក់ និងបំលែងវាទៅជាជែលដែរ។ សំឡីអនាម័យល្អធ្វើឲ្យអ្នកមានអារម្មណ៍ថាមានផាសុកភាព ស្ងួត និងមិនរមួល ដើម្បីប្រើរយៈពេលប្រហែល៥ទៅ៧ម៉ោងដោយមិនចាំបាច់ផ្លាស់ប្ដូរ។

២. ទ្រង់ទ្រាយ

សំឡីអនាម័យអាចមានទ្រង់ទ្រាយផ្សេងៗគ្នា។ ខ្លះមានស្លាប ឯខ្លះគ្មានស្លាប។ សំឡីអនាម័យមានស្លាប អាចបង្ការការជ្រាបល្អជាងប្រភេទដែលគ្មានស្លាប។ ដូចនេះវាមានភាពងាយស្រួលក្នុងការអង្គុយគ្រប់ឥរិយាបថ។

៣. មានភាពស្វិតល្អ

ក្រៅពីអត្រាស្រូបយក និងទ្រង់ទ្រាយ សាច់ម៉ត់រលោងស្វិត គួរតែត្រូវមានផងដែរ។ វាគួរតែមានសាច់ទន់ស្វិតដែលងាយស្រួលដើម្បីជៀសវាងការរមាស់ និងកើតមានផលរំខានដល់ស្បែកក្នុងអំឡុងពេលមករដូវនេះ។

៤. មានកម្រាស់ល្មម

កម្រាស់នៃបន្ទះសំឡីអនាម័យ គឺអាស្រ័យទៅលើអ្នកប្រើ។ ខ្លះមានកម្រាស់ល្មម ខ្លះទៀតមានកម្រាស់ក្រាស់ និងស្ដើងជ្រុលក៏មានដែរ។ស្ត្រីគួរសិក្សាពីលំហូរឈាមនៃរដ្តរដូវរបស់ខ្លួន និងជ្រើសរើសឲ្យបានសមរម្យ។

៥. ប្រវែង

សំឡីអនាម័យដែលល្អគឺត្រូវគ្របដណ្ដប់ទ្វារមាសយ៉ាងពេញលេញ រួមទាំងមានប្រវែងឲ្យទៅដល់រន្ធគូថដើម្បីស្រូបយកឈាមបានទាំងស្រុង។ អ្នកគួរតែប្រើសំឡីអនាម័យណាដែលមានប្រវែង៨ អ៊ីញ ឬមួយវែងជាងនេះទៀត។

តែកុំភ្លេចណា ក្រៅពីចំណុចទាំង៥ខាងលើ អ្នកក៏ត្រូវពិនិត្យមើលកាលបរិច្ឆេទផុតកំណត់របស់សំឡីអនាម័យជាចាំបាច់ផងដែរ៕

ចុចអាន៖ កើតមុនពេលមករដូវ ស្ត្រីគួរធ្វើបែបណា?

ប្រែសម្រួល៖ ទ្រី រ៉ាវី

ប្រភព៖ thequickwayto