ការបរិច្ចាគឈាមទ្រង់ទ្រាយធំមួយទៀតគ្រោងចាប់ផ្តើមនៅសបា្តហ៍ក្រោយ

2014-12-20 18:51:06
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការគ្រោងទុក និស្សិត និងសាស្ត្រាចារ្យ នៃសាកលវិទ្យាល័យភ្នំពេញអន្តរជាតិចន្លោះពី ៥០០ នាក់ ទៅ ៦០០ នាក់ នឹងស្ម័គ្រចិត្តបរិច្ចាគឈាមនៅថ្ងៃទី២៤ ខែធ្នូ សបា្តហ៍ក្រោយ។ នេះគឺជាលើកទី៤ ហើយ ដែលសាកលវិទ្យាល័យបង្កើតកម្មវិធីនេះឡើង ក្នុងយុទ្ធនាការជួយសង្គ្រោះអាយុជីវិតមនុស្សពីបញ្ហាកង្វះឈាម។

លោក ប៊ុន ស្រុង ប្រធានរដ្ឋបាល នៃសាកលវិទ្យាល័យភ្នំពេញអន្តរជាតិបានប្រាប់ Sabay ថា ឆ្នាំមុនមានអ្នកបរិច្ចាគឈាម ៣៥០ នាក់ តែឆ្នាំនេះការរៀបចំធំជាងមុន រំពឹងមានអ្នកចូលរួមបរិច្ចាគឈាមចន្លោះពី ៥០០ នាក់ទៅ ៦០០ នាក់។ លោកថា ក្រៅពីផ្តល់នូវចំណេះដឹង និងជំនាញសាកលវិទ្យាល័យ តែងមានកម្មវិធីលើកទឹកចិត្តឲ្យយុវជនចូលរួមការងារសង្គម។

លោកបានបន្ថែមថា ក្នុងមួយឆ្នាំកម្ពុជាត្រូវការឈាមជាក់ស្តែង ១៥ ម៉ឺនផ្លោក ប៉ុន្តែនៅក្នុងស្តុកមានឈាមត្រឹម៣៦% ប៉ុណ្ណោះ នៃតម្រូវការជាក់ស្តែង។ សាកលវិទ្យាល័យតែងបង្កើតឲ្យមានយុទ្ធនាការ ក៏ដូចជាវប្បធម៌ជួយសង្គ្រោះគ្នាទៅវិញទៅមក។

បើតាមប៊ុន ស្រុង នៅឆ្នាំ១៩៧០ យុវជនជប៉ុនបានទៅបរិច្ចាគឈាម ដោយមិនបាច់អញ្ជើញទេ។ នេះគឺជាស្មារតីជាតិមួយ ហើយសូម្បីប្រទេសឡាវ ក៏មានកង្វះឈាម មិនច្រើនដូចកម្ពុជាដែរ ពោលគឺឡាវមានឈាមក្នុងស្តុកប្រមាណ ៩៦% នៃតម្រូវការជាក់ស្តែង៕