លុយរាប់លានដុល្លារជ្រុះតាមផ្លូវ អ្នកដំណើរនាំគ្នារើសមួយឆ្ងាញ់ដៃ

2014-12-25 22:14:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃពុធម្សិលមិញនេះ អ្នកដំណើរនៅហុងកុងនាំគ្នាផ្អើលរើសលុយរាប់លានដុល្លារ ដែលជ្រុះរប៉ាត់រប៉ាយ ក្រោយពេលរថយន្តដឹកលុយនោះរបើកទ្វារ និងជ្រុះលុយពេញដងផ្លូវ។

ឡាននោះបានដឹកកេះ៣០ ដែលមានលុយសរុប ៤៥លានដុល្លារហុងកុង (ជិត ៦លានដុល្លារ) លើផ្លូវដ៏មមាញឹកមួយ នៃស្រុក Wan Chai។ ក្រោយពេលរបើកគន្លឹះទ្វារ ដុំលុយនៅក្នុងកេះទាំងនោះបានជ្រុះលើផ្លូវ ធ្វើឲ្យអ្នកដំណើរនាំគ្នាចុះរើស និងបង្កឲ្យស្ទះចរាចរណ៍យ៉ាងខ្លាំងផងដែរ។ បន្ទាប់ហេតុការណ៍កើតឡើង ប៉ូលិសប្រមូលលុយបានប្រហែល ៣០លានដុល្លារហុងកុងមកវិញ ចំណែកឯ ១៥លានដុល្លារទៀត ត្រូវគេរើសយកទៅបាត់អស់។

មន្ត្រីប៉ូលិស បានបញ្ជាក់ថាលុយដែលបាត់បង់នោះ សុទ្ធតែជាលុយថ្មី ហើយពេលនេះមន្ត្រីជំនាញកំពុងស្រាវជ្រាវលេខកូដលុយ ដើម្បីប្រមូលត្រលប់មកវិញ។ ប៉ូលិសក៏បានប្រកាសឲ្យអ្នករើសបានលុយទាំងអស់ប្រគល់មកវិញផងដែរ។ បើពុំដូច្នោះទេ ពួកគេនឹងត្រូវជាប់ចោទពីបទចោរកម្ម ហើយត្រូវប្រឈមមុខក្នុងការជាប់ពន្ធនាគាររហូតដល់ ១០ឆ្នាំ។

សូមទស្សនាវីដេអូ៖

http://youtu.be/G18-z47NGdQ

ចុចអាន៖ ផ្អើលពេញយន្តហោះលើអាកាស ព្រោះនារីបីនាក់វាយគ្នា

ប្រែសម្រួល៖ គង់ វិសាល ប្រភព៖ traitstimes