ឈិន ឡុង ចង់ឱ្យកូនប្រុស ធ្វើជាទូតសុច្ឆន្ទៈប្រឆាំងគ្រឿងញៀន

2014-12-26 21:58:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីកូនប្រុសឈ្មោះ Jaycee Chan ត្រូវតុលាការចិនចោទប្រកាន់ពីបទ "ផ្ដល់ជម្រកដល់អ្នកប្រើប្រាស់គ្រឿងញៀន"មក ឈុន ឡុង ដែលជាឪពុកបានឱ្យដឹងថា លោកចង់ឱ្យគេក្លាយជា ទូតសុច្ឆន្ទៈប្រឆាំងគ្រឿងញៀននៅថ្ងៃណាមួយ។

“ខ្ញុំចង់ឱ្យគាត់ (Jaycee) ធ្វើជាទូតសុច្ឆន្ទៈប្រឆាំងគ្រឿងញៀននៅថ្ងៃណាមួយ ពេលគាត់ត្រូវបានដោះលែងពីពន្ធនាគារ។ គាត់នឹងប្រាប់បទពិសោធន៍ទាំងប៉ុន្មានទៅមនុស្សក្មេងៗ"

តារាចម្រៀង និងសម្ដែង Jaycee ត្រូវបានប៉ូលិសចាប់ខ្លួនក្នុងទីក្រុងប៉េកាំងនៅដើមឆ្នាំនេះ ក្រោយធ្វើតេស្តឃើញថា លោកមានសារធាតុញៀនក្នុងខ្លួន និងមានគ្រឿងញៀន ១០០ក្រាមក្នុងផ្ទះ។

អយ្យការជាន់ខ្ពស់ចិនបានឱ្យដឹងក្នុងសេចក្ដីថ្លែងថា ខ្លួនមានបណ្ដឹងនិងភស្ដុតាំងប្រឆាំងនឹងតារារូបនេះ ពីបទផ្ដល់ជម្រកដល់ក្រុមអ្នកប្រើប្រាស់គ្រឿងញៀន។

ក្នុងសន្និសីទកាសែតស្ដីពីខ្សែភាពយន្ត DRAGON BLADE ថ្មីៗនេះ តារាក្បាច់គុន ឈុន ឡុង ត្រូវអ្នកកាសែតសួរជីកឬសគល់ថា លោកបានប្រើលុយ និងសុំឱ្យមេធាវីជួយកូនប្រុសឱ្យរួចពីទោស ប៉ុន្តែត្រូវលោកបដិសេធន៍។

ក្នុងនាមជាឪពុក និងជាឯកអគ្គរាជទូតប្រឆាំងគ្រឿងញៀន របស់រដ្ឋាភិបាលចិន ឈុន ឡុង បាននិយាយថា លោកមិនបានប្រើទំនាក់ទំនង និងលុយរបស់លោក ដើម្បីជួយឱ្យកូនរួចផុតពីទោសនោះទេ៕

ចិនសម្រេចចោទប្រកាន់កូនប្រុស ឈិន ឡុង រឿងគ្រឿងញៀន

លិចទូក ស្លាប់មនុស្សម្នាក់ពេលកំពុងថតរឿងថ្មីរបស់ ឈិនឡុង (វីដេអូ)

ប្រែសម្រួល៖ អ៊ុំ សុភក្ដិ ប្រភព៖ Chinadaily,lollipop