ឃើញលទ្ធផលបាក់ឌុបប្រទេសខ្លះនៅអាស៊ី សិស្សខ្មែរមិនខ្សោយប៉ុន្មានទេ!

2014-10-01 16:57:12
ចំនួនមតិ 0 | ចំនួនចែករំលែក 0

ចន្លោះមិនឃើញ

លទ្ធផលនៃការប្រឡងបាក់ឌុបរបស់សិស្សវិទ្យាល័យកម្ពុជាហាក់មិនសូវល្អទាល់តែសោះ ព្រោះមានតែជាង២៥ភាគរយប៉ុណ្ណោះដែលជាប់។ ការផ្ដល់ឱកាសប្រឡងលើកទីពីរនេះអាចនឹងកែប្រែស្ថិតិដ៏អាក្រក់នេះ។ ប៉ុន្តែបើមើលទៅលើការប្រឡងបាក់ឌុបនៃប្រទេសអាស៊ីមួយចំនួន ខ្លះមានលទ្ធផលល្អ ប៉ុន្តែខ្លះទៀតមិនសូវជាល្អប៉ុន្មានទេ។

ប្រទេសឡាវមានបេក្ខជនប្រឡងបាក់ឌុបឆ្នាំ២០១៤នេះប្រហែលជា៥ម៉ឺននាក់ ហើយសិស្សរបស់គេអាចធ្វើបានល្អដោយមានអ្នកជាប់រហូតដល់៤ម៉ឺននាក់ ឬប្រហែល៨០ភាគរយ។ នេះបើយោងទៅតាមកាសែត Vientiane Times របស់ឡាវផ្ទាល់។

សិស្សឡាវ

ចំណែកប្រទេសវៀតណាមវិញ លទ្ធផលនៃការប្រឡងបាក់ឌុបរបស់សិស្សវិទ្យាល័យខ្លួនគឺរឹតតែល្អទៅទៀតសម្រាប់ឆ្នាំ២០១៤នេះ។ ៩៩ភាគរយនៃបេក្ខជន៩សែននាក់បានជាប់ក្នុងការប្រឡងបាក់ឌុបកាលពីខែមិថុនាកន្លងទៅ។ នេះបើយោងតាមសារព័ត៌មាន Vietnam News។

ប៉ុន្តែបើងាកមកមើលប្រទេសភូមាវិញ លទ្ធផលនៃការប្រឡងបាក់ឌុបរបស់សិស្សថ្នាក់ទី១២របស់ខ្លួនមិនសូវជាល្អប៉ុន្មានទេ។ ភូមាបានរៀបចំការប្រឡងបាក់ឌុបរបស់ខ្លួនកាលពីខែមិនាឯណោះ ដោយក្នុងនោះមានបេក្ខជនចំនួន៥៤១ ៩៤៦នាក់ ប៉ុន្តែមានតែ១៧១ ៦៤៧នាក់ ឬជាង៣១ភាគរយប៉ុណ្ណោះដែលជាប់។ នេះបើយោងតាមគេហទំព័រ Philstar។

សិស្សវៀតណាម

សិស្សភូមា

សិស្សហ្វីលីពីន

បម្រាប់ប្រទេសហ្វីលីពីនវិញបានរៀបចំការប្រឡងសិស្សបាក់ឌុបថ្នាក់វិទ្យាសាស្ត្រពិសេសមួយ ដែលបេក្ខជនទូទាំងប្រទេសមកចូលរួមប្រឡងបានតែចំនួន ២២ ៦៥៧នាក់ ប៉ុន្តែមានត្រឹម១២៣១នាក់ ឬ៥,៤ភាគរយប៉ុណ្ណោះ ដែលជាប់។ នេះបើយោងតាមសារព័ត៌មានរបស់ប្រទេសហ្វីលីពីន Rappler៕

អានអត្ថបទផ្សេងទៀតទាក់ទងនឹងការអប់រំ សូមចុចត្រង់នេះ

អត្ថបទ៖ មាស រ័ត្ន ប្រភព៖ Vientiane Times, Philstar,

Vietnam News, & Rappler