គណនេយ្យ FB ក្លែងក្លាយចាក់ដោតឲ្យបេះដូងខ្ញុំចុកឈាម

2014-12-29 15:49:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាបឋម ខ្ញុំបាទសូមជម្រាបសួរបង Sabay និងប្រិយមិត្តអ្នកអានទាំងអស់ជាទីរាប់អាន។ ដោយសារតែពេលនេះខ្ញុំកំពុងតែមានវិបត្តិស្នេហា មួយត្រូវដោះស្រាយ ទើបខ្ញុំបាទដាច់ចិត្តសរសេរអត្ថបទនេះឡើង ចង់ឲ្យប្រិយមិត្តទាំងអស់ចូលរួមផ្ដល់ជាមតិ ឬដំណោះស្រាយល្អៗសម្រាប់ខ្ញុំបាទផង។

ខ្ញុំ ជានិស្សិតទើបនឹងចប់បរិញ្ញាបត្រ ហើយបច្ចុប្បន្ន ខ្ញុំទើបរកការងារដ៏ល្អមួយបានធ្វើ ក៏ប៉ុន្តែកាលពី៧ខែមុន ខ្ញុំបានស្គាល់ និងចាប់អារម្មណ៍នារីម្នាក់។ ពូកយើងបានបង្កើនភាពស្និទ្ធស្នាលជាមួយគ្នារហូតដល់ពួកយើងក្លាយជា សង្សារនឹងគ្នា។

ខ្ញុំបានដឹងថា នាងចូលចិត្តដើរលេង មិនសូវខំរៀនទេ ទើបនាងរៀនមិនសូវពូកែសោះ ប៉ុន្តែខ្ញុំបានចំណាយពេលវេលារបស់ខ្ញុំជាច្រើនដើម្បីយកចិត្តទុក ដាក់បង្ហាត់បង្រៀនមុខវិជ្ជាដែលសំខាន់ និងពិបាកៗ រហូតចុងក្រោយនាងទទួលបានលទ្ធផលប្រចាំឆមាសជាទីគាប់ចិត្ត។ នាងបានប្រាប់ខ្ញុំថា នាងជាមនុស្សស្រីមានសំណាងបំផុត ដែលបានខ្ញុំធ្វើសង្សារ។

បងស្ម័គ្រអូនស្មោះ មានប្រឡោះ បងបញ្ចាំម៉ូតូអូនបាត់!

តាំងពីពួកយើងស្រលាញ់គ្នាមក មិនដែលឈ្លោះគ្នាទេ ហើយក៏មិនដែលធ្វើអោយនាងពិបាកចិត្តម្ដងណាដែរ។ តែឥឡូវ អ្វីៗបានផ្លាស់ប្ដូរអស់។ ខ្ញុំមាន Facebook Account ពីរ គឺមួយពិត និងមួយក្លែងក្លាយ។ កាលពីប៉ុន្មានថ្ងៃមុន នៅពេលយប់ ខ្ញុំបានយកគណនេយ្យFacebookក្លែងក្លាយ ទៅ Add សង្សាររបស់ខ្ញុំ ហើយឃើញមានបុរសម្នាក់ Commentលើ Statusរបស់នាងថា “ទៅក្រៅយកអាវភ្លៀងទៅផង ប្រយ័ត្នឈឺ មានអ្នកខ្លះគេ Care”។

ខ្ញុំ ឆ្ងល់ខ្លាំងណាស់ ហេតុអីគណនេយ្យក្លែងក្លាយអាចមើលឃើញ Commentនោះ តែគណនេយ្យពិតវិញមើលអត់ឃើញ Comment ទាំងនោះសោះ។ ភ្លាមៗនោះ ខ្ញុំបានប្រើប្រាស់ គណនេយ្យរបស់ខ្ញុំដើម្បីមើល Profileបុរសម្នាក់នោះ តែនូវតែមើលអត់ឃើញដដែល។ សរុបមក បុរសម្នាក់នោះ គេ Block Account របស់ខ្ញុំចោល ទាំងពូកយើងទាំងពីរមិនដែលស្គាល់គ្នាសោះ។ ចុងក្រោយ ខ្ញុំក៏បានប្រើប្រាស់គណនេយ្យក្លែងក្លាយដើម្បី Add ទៅបុរសម្នាក់នោះជាមិត្ត ប៉ុន្តែការ Add ជាមិត្តនេះបានធ្វើអោយខ្ញុំចុកឈាមស្ទើរគាំងបេះដូង ទៅវិញ ព្រោះរាល់ Photo និងStatus បុរសម្នាក់នោះ សង្សាររបស់ខ្ញុំចុច like ទាំងអស់ ហើយហៅគ្នាសុទ្ធតែ Honey និង Babe ទៀតផង។

បុរសរូបនោះអត់ទាន់មានការងារធ្វើទេ តែគេមានលុយ គេមានឡាន ប៉ុន្តែអ្វីដែលគេចាញ់ខ្ញុំ គឺត្រង់ថា ខ្ញុំមានការងារមួយដែលល្អ និងជាក់លាក់បំផុត។ ថ្ងៃនេះខ្ញុំគ្មានឡាន តែពីរឆ្នាំទៀត ខ្ញុំនឹងមានឡាន។ ចំពោះការងារបច្ចុប្បន្នរបស់ខ្ញុំ ខ្ញុំមិនទាន់ប្រាប់សង្សាររបស់ខ្ញុំឲ្យដឹងនៅឡើយទេ។ ខ្ញុំ ចង់សួរដល់មិត្តអ្នកអានថា តើខ្ញុំគួរតែបែកគ្នា ឬធ្វើជាមិនដឹងមិនឮ ហើយព្យាយាមធ្វើល្អដាក់នាងបន្ថែមទៀត ក្រែងលោនាងនឹងត្រលប់ក្រោយវិញ?

ខ្ញុំសូមស្វាគមន៍ និងអរគុណសម្រាប់យោបល់មិត្តភ័ក្ដិទាំងអស់គ្នា។

ពីខ្ញុំ ច.ច

ប្រសិនបើ ប្រិយមិត្ត មានបញ្ហាស្នេហាដែលចង់ចែករំលែកដល់មិត្តអ្នកអានបានជាបទ ពិសោធន៍ ឬជួយជាយោបល់ក្នុងការដោះស្រាយ សូមផ្ញើអត្ថបទរឿងរ៉ាវពិតរបស់ អ្នកមកកាន់ pen.sophana@cidc.com.kh៕

សំដីក្មេងកំហូចមួយម៉ាត់ ធ្វើឲ្យយុវតីខ្មែរមួយរូបខូចចិត្ត១៥ឆ្នាំ!

ពាក្យទាក់ទង

វិបត្តិស្នេហ៍

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ផលិតករ K-Pop ម្នាក់ត្រូវបានកាត់ទោសឲ្យជាប់ពន្ធនាគារពីបទក្លែងខ្លួនជាសមាជិក BTS

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

អត្ថបទថ្មី

ប្រូម៉ូសិនពិសេសជាមួយនឹងការបន្ថែមល្បឿនលឿន និងធំអស្ចារ្យជាងមុនតែតម្លៃនៅដដែលស័ក្តិសមបំផុតសម្រាប់ការប្រើប្រាស់លក្ខណៈគ្រួសារ!

គ្រាន់តែបង្ហើបក៏ដឹងអស្ចារ្យ! ឈុត អូលីវ៉ា ត្រៀមសម្រាប់សិល្បករ និងបុគ្គលមានឥទ្ធិពលទាំង ៥ រូប

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

អបអរសាទរ វឌ្ឍនៈ ព្រីមៀមបៀរ បានជាប់នៅក្នុងបេក្ខភាពស្រាបៀរល្អផ្ដាច់គេទូទាំងពិភពលោកក្នុងចំណោមស្រាបៀរកំពូលទាំង៥

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ក្ដីស្រឡាញ់ និងឆន្ទៈចង់ឈ្នះមេដាយជូនជាតិក្រុមកាយវប្បកម្មចំណាយថវិកាផ្ទាល់ខ្លួនមិនតិចទេសម្រាប់ការប្រកួតជើងឯកអាស៊ីអាគ្នេយ៍