ក្រឡេកមើលរូបថតសិចស៊ីដល់កំពូលរបស់ Angelina Jolie កាលនៅវ័យ ១៩ឆ្នាំ

2014-12-29 17:44:19
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មានអង់គ្លេស Daily Mail បានបង្ហាញកម្រងរូបថតដ៏សិចស៊ីរបស់កំពូលតារាល្បីអាមេរិក Angelina Jolie អំឡុងពេលប្រមាណ ២០ឆ្នាំមុន នៅពេលដែលតារារូបនេះ ទើបតែមានឈ្មោះល្បីក្នុងពិភពសិល្បៈ។

នៅឆ្នាំ១៩៩៥ Angelina Jolie ដែលកាលនោះមានវ័យ ១៩ឆ្នាំ បានសម្ដែងជាតួឯកលើកដំបូង ក្នុងរឿង "Hackers” និងបានថតរូបសិចស៊ីជាច្រើនសន្លឹកដើម្បីទាក់ទាញចំណាប់អារម្មណ៍ទស្សនិកជន សម្រាប់រឿងមួយនេះ។ ក្នុងរូបថតទាំងនោះ Angelina Jolie បានបង្ហាញនូវកាយវិការដ៏សិចស៊ី រួមទាំងឈុតអត់ពាក់អាវមួយចំនួនផង ដែលខុសប្លែកទាំងស្រុងពីស្ទីលស្រគត់ស្រគំរបស់នាងនៅពេលបច្ចុប្បន្ន។

ខ្សែភាពយន្ត "Hackers” មិនត្រឹមតែជារឿងទីមួយដែល តារាវ័យ ៣៩ឆ្នាំរូបនេះបានសម្ដែងជាតួឯកនោះទេ ប៉ុន្តែភាពយន្តនេះបាននាំនាងឲ្យស្គាល់តារាសម្ដែង Jonny Lee Miller ដែលក្រោយមកបានក្លាយជាស្វាមីទីមួយរបស់នាង។ ពួកគេបានរៀបការជាមួយគ្នានៅឆ្នាំ១៩៩៦ មុននឹងចែកផ្លូវគ្នាវិញនៅឆ្នាំ១៩៩៩។ នៅឆ្នាំ២០០០ តារាសម្ដែងម្ចាស់ពានរង្វាន់ Oscar រូបនេះ បានរៀបការជាមួយស្វាមីទី២ គឺតារាសម្ដែង Billy Bob Thornton ប៉ុន្តែបានលែងលះម្ដងទៀតនៅឆ្នាំ២០០៣។

នៅខែសីហា ឆ្នាំ២០១៤នេះ Jolie បានរៀបការជាមួយស្វាមីបច្ចុប្បន្ន គឺតារាសម្ដែង Brad Pitt ក្រោយពីរស់នៅជាមួយគ្នា៩ឆ្នាំ និងមានកូន ៦នាក់ជាមួយគ្នា ៕

ចុចអាន៖លេចរូបភាព Brad Pitt និង Angelina Jolie សម្ដែងរួមគ្នាក្នុងរឿងថ្មី

ប្រែសម្រួល៖ វ៉ាន់ថន ប្រភព៖ dailymail