ក្រោយ​ត្រូវ​បណ្ដេញ​ចេញ​ពី​​ក្រុម​ Girls' Generation ​អនាគត​បន្ត​អាជីព​សិល្បៈ​របស់​ Jessica ​ស្ថិត​ក្នុង​ភាព​ស្រពិចស្រពិល។ គេ​មិន​ច្បាស់​ថា ​​នាង​នឹង​បន្ត​អាជីព​ចម្រៀង​ក្នុង​នាម​សិល្បៈការិនី​ទោល​ ឬ​​​ផ្ដោត​លើ​ជំនួញ​នោះ​ទេ? ​​ពេល​នេះ​ មាន​តម្រុយ​ខ្លះ​ហើយ​ថា ​នាង​​អាច​នឹង​ត្រឡប់​មក​វិញ​​​​ក្នុង​នាម​ជា​តារា​ចម្រៀង​ទោល​ ​ព្រោះ​វីដេអូ​ថ្មី​មួយ​​ដែល​បង្ហោះ​ដោយ​លោក​ Reggie Martin ​អ្នក​ជំនាញ​ទំនាក់ទំនង​តារា​​​​​និង​ជន​ល្បី​ឈ្មោះ​ប្រចាំ​កាស៊ីណូ Venetian ​ទីក្រុង​ Macau ​​បង្ហាញ​ពី​​សកម្មភាព​ហាត់​សម​របស់​នាង​ដោយ​មាន​បង​ប្រុស​ Michael Jackson ​ជា​អ្នក​ផ្ដល់​យោបល់​ផង។

​តាម​រយៈ​ឃ្លីប​វីដេអូ​ខ្លី​នៅ​លើ​ Instagram ​​លោក​ Reggie ​បាន​សរសេរ​ថា ​"តារា​ចម្រៀង​កូរ៉េ​ Jessica Jung ​និង​​តារា​ចម្រៀង​ ​Jermaine Jackson ​​ពី​​ក្រុម​ចម្រៀង​ជើង​ចាស់​ Jackson 5 ​​​​ដែល​​​​ត្រូវ​ជា​បងប្រុស​របស់​ Machael ​​និង​ Janet Jackson ​​កំពុង​បង្កើត​រឿង​អស្ចារ្យ​ក្នុង​ស្ទូឌីយោ។ ​​វា​គឺ​ជា​រឿង​ដ៏​អស្ចារ្យ​ដែល​ឃើញ​តារា​ល្បី​ទាំង​ពីរ​​ផ្ទាល់។ ​​រង់ចាំ​​ទាំង​អស់​គ្នា​នៅ​ឆ្នាំ​ ២០១៥​ខាង​មុខ។ ​# ​ភាព​អស្ចារ្យ"។

អៃយ៉ា! ​Jessica ​ទំនង​មិន​ត្រឹម​តែ​ចង់​វាយ​លុក​ទីផ្សារ​កូរ៉េ​ទេ ​តែ​អាច​បន្ត​វាតទី​ទីផ្សារ​អាមេរិក​ផង​ក៏​មិន​ដឹង ​បើ​មាន​សុទ្ធ​តែ​បង​ប្រុស​ Michael Jackson ​​នៅ​ពី​ក្រោយ​ខ្នង​ដូច្នេះ។​ ចាំ​អ៊ុត​ទាំង​អស់​គ្នា​ នៅ​ឆ្នាំ​ក្រោយ​នេះ!

វីដេអូ​ដែល​បង្ហោះ​នៅ​លើ​ Instagram ​របស់​លោក​ Reggie៖

http://youtu.be/N2IdQ_SaHJE

អាន៖ ក្រឡេក​មើល​រូបថត​សិចស៊ី​ដល់​កំពូល​របស់ Angelina Jolie កាល​នៅ​វ័យ ១៩ឆ្នាំ​

ប្រែ​សម្រួល៖ ​សីហា ប្រភព៖​​ allkpop​