ខ្សែ​ភាពយន្ត​វីរបុរស​ថ្មី​ពី​ផលិតកម្ម Marvel រឿង "Ant-Man” បាន​បង្ហាញ​វីដេអូ Trailer ដំបូង​ហើយ​កាល​ពី​ថ្ងៃ​ទី​៦ ខែ​មករា។

ភាពយន្ត​ថ្មី​នេះ សម្ដែង​ដោយ Paul Rudd ជា​ឧក្រិដ្ឋជន Scott Lang ដែល​បាន​ប្រែ​ខ្លួន​ជា​វីរបុរស​ស្រមោច​ដ៏​ខ្លាំង​ពូកែ និង​ត្រូវ​ជួយ​គ្រូ​របស់​គេ​ឈ្មោះ Dr. Hank Pym ដើម្បី​រក្សា​អាថ៌កំបាំង​ពី​ក្រោយ​ឯក​សណ្ឋាន​​បុរស​ស្រមោច។ វីដេអូ​ Trailer ដំបូង​នេះ បាន​បង្ហាញ​នូវ​សកម្មភាព​វាយ​ប្រយុទ្ធ​​ខ្លះ​ៗ​របស់​វីរបុរស​ស្រមោច រួម​នឹង​សកម្មភាព​ក្នុង​គ្រួសារ​របស់​គេ។

ក្រៅ​ពី Paul Rudd ភាពយន្ត "Ant-Man” ចូលរួម​សម្ដែង​ដោយ​តារា​ល្បី​ៗ​មួយ​ចំនួន​ទៀត​ដូច​ជា Evangeline Lilly, Corey Stoll, Bobby Cannavale និង Michael Pena និង​ដឹកនាំ​ដោយ​លោក Peyton Reed។ ភាពយន្ត​នេះ នឹង​ចេញ​បញ្ចាំង​នៅ​ថ្ងៃ​ទី១៧ ខែ​កក្កដា ឆ្នាំ​២០១៥ បន្ទាប់​ពី​រឿង "The Avengers: Age of Ultron."។

ទស្សនា​វីដេអូ Trailer ពី​ខ្សែ​ភាពយន្ត "Ant-Man”​ ខាង​ក្រោម​នេះ៖

http://youtu.be/xInh3VhAWs8

ចុច​អាន៖ភាពយន្ត​ល្បី​ៗ​ ១០​រឿង គួរ​ទស្សនា​នៅ​ឆ្នាំ​២០១៥

ប្រែ​សម្រួល៖ វ៉ាន់ថន ប្រភព៖ variety