យោង​​តាម​គេហទំព័រ​ភាពយន្ត Movie Insider ខាង​ក្រោម​នេះ​គឺ​ជា​ខ្សែ​ភាពយន្ត​ល្បី​ៗ​ចំនួន ១០​រឿង ដែល​​ល្អ​មើល និង​មាន​អ្នក​រង់ចាំ​ទស្សនា​ច្រើន​បំផុត​នៅ​ឆ្នាំ​២០១៥​ខាង​មុខ​នេះ ដែល​​ភាគ​ច្រើន​សុទ្ធ​តែ​ជា​ភាពយន្ត​​វគ្គ​បន្ត​ពី​រឿង​មុន​ៗ។ ទស្សនា​ទាំង​អស់​គ្នា​ថា​តើ​មាន​ខ្សែ​ភាពយន្ត​អ្វី​ខ្លះ?

១. The Avengers: Age of Ultron

ថ្ងៃ​ខែ​ចេញ​បញ្ចាំង៖ ថ្ងៃ​ទី១ ខែ​ឧសភា អ្នក​ដឹកនាំ៖Joss Whedon តួ​សម្ដែង៖ Robert Downey Jr., Chris Evans, Chris Hemsworth , Jeremy Renner, Mark Ruffalo, Aaron Johnson ដំណើរ​រឿង៖វគ្គ​ថ្មី​នេះ​បរិយាយ​នៅ​ពេល​ដែល Tony Shark (Iron Man) ព្យាយាម​បង្កើត​កម្មវិធី​​ការពារ​ខ្លួន​មួយ សម្រាប់​វីរបុរស​ទាំង​អស់​ ប៉ុន្តែ​លទ្ធផល​នៃ​ការងារ​របស់​​គេ បែរ​ជា​ក្លាយ​ជា​មនុស្ស​យន្ត Ultron ដែល​ព្យាយាម​បំផ្លាញ​ជីវិត​មនុស្ស​លោក​ទៅ​វិញ។ ដូច្នេះ​ក្រុម Avengers ត្រូវ​រួម​ដៃ​គ្នា​ដើម្បី​កម្ចាត់​មនុស្ស​យន្ត​នេះ​ឲ្យ​បាន។

http://youtu.be/fk24PuBUUkQ

២. Star Wars: The Force Awakens

ថ្ងៃ​ខែ​ចេញ​បញ្ចាំង៖ ថ្ងៃ​ទី១៨ ខែធ្នូ អ្នក​ដឹកនាំ៖ JJ Abrams តួ​សម្ដែង៖ Harrison Ford,Mark Hamill , Carrie Fisher, Peter Mayhewa, Adam Driver, Anthony Daniels ដំណើរ​រឿង៖ ភាពយន្ត​នេះ​នឹង​បង្ហាញ​ពី​រឿងរ៉ាវ​កើត​ឡើង​រយៈ​ពេល​ ៣០ឆ្នាំ​បន្ទាប់​ពី​ព្រឹត្តិការណ៍​ក្នុង​វគ្គ "Return of the Jedi” ដោយ​មាន​តួ​អង្គ​ថ្មី​ចំនួន ៣​រូប សម្ដែង​ជាមួយ​តួអង្គ​នៅ​វគ្គ​មុន​ៗ។​

http://youtu.be/OMOVFvcNfvE

៣. Furious 7

ថ្ងៃ​ខែ​ចេញ​បញ្ចាំង៖ ថ្ងៃ​ទី៣ ខែមេសា អ្នក​ដឹកនាំ៖ James Wan តួ​សម្ដែង៖ Vin Diesel,Paul Walker,Michelle Rodriguez ,Tyrese Gibson ,Jordana Brewster ,Ludacris ដំណើរ​រឿង៖ "Furious 7” ​នេះ​នឹង​បង្ហាញ​ពី​ការ​ប្រយុទ្ធ​​​គ្នា​រវាង Dominic (Vin), Brain (Pual), និង​សមាជិក​ក្រុម​របស់​ពួក​គេ​ជាមួយ​នឹង Ian Shaw (Jason Statham) ដែល​​ចង់​សងសឹក​បន្ទាប់​ពី​ការ​ស្លាប់​របស់​បង​ប្រុស​គេ។

http://youtu.be/Skpu5HaVkOc

៤. Jurassic World

ថ្ងៃ​ខែ​ចេញ​បញ្ចាំង៖ ថ្ងៃ​ទី​១២ ខែ​កក្កដា អ្នក​ដឹកនាំ៖ Colin Trevorrow តួ​សម្ដែង៖ Bryce Dallas Howard ,Ty Simpkins ,Jake Johnson,Omar Sy,Chris Pratt ,Vincent D'Onofrio ដំណើរ​រឿង៖ ភាពយន្ត​នេះ​រៀបរាប់​ពី​គ្រា​មួយ​នៅ​ពេល​ដែល​សួន​កម្សាន្ត​ដាយណូស័រ "Jurassic World” ​ត្រូវ​បាន​បង្កើត​ឡើង។ តួ​ឯក​ប្រុស ឈ្មោះ Owen ជា​បុគ្គលិក​ម្នាក់​ក្នុង​សួន​កម្សាន្ត​នេះ​បាន​ដឹកនាំ​ការ​ស្រាវជ្រាវ​មួយ​លើ​ពួក​សត្វ​ដាយណូស័រ Velociraptor។ ក៏​ប៉ុន្តែ​ការងារ​របស់​ពួក​គេ​ក៏​ចាប់​ផ្ដើម​មាន​បញ្ហា​នៅ​ពេល​ដែល​កូន​ដាយណូស័រ ដែល​ពួក​គេ​បង្កាត់​រួច​​ពី​ទ្រុង និង​ចូល​លុកលុយ​ក្នុង​សួន​កម្សាន្ត។

http://youtu.be/RFinNxS5KN4

៥. The Fantastic Four

ថ្ងៃ​ខែ​ចេញ​បញ្ចាំង៖ ថ្ងៃ​ទី៧ ខែសីហា អ្នក​ដឹកនាំ៖Josh Trank តួ​សម្ដែង៖Miles Teller,Michael B. Jordan,Kate Mara,Jamie Bell,Toby Kebbell,Tim Blake Nelson ដំណើរ​រឿង៖ អ្នក​វិទ្យាសាស្ត្រ​មួយ​ក្រុម​បាន​វិវត្តន៍​ខ្លួន​ក្លាយ​ជា​វីរបុរស​ ដើម្បី​ជួយ​សង្គ្រោះ​ពិភពលោក។

៦. Spectre (James Bond) ថ្ងៃ​ខែ​ចេញ​បញ្ចាំង៖ ថ្ងៃ​ទី៦ ខែ​វិច្ឆិកា អ្នក​ដឹកនាំ៖ Sam Mendes តួ​សម្ដែង៖ Daniel Craig,Naomie Harris,Ralph Fiennes,Ben Whishaw ,Dave Bautista,Christoph Waltz ដំណើរ​រឿង៖ ស្រប​ពេល​ដែល​ James Bond កំពុង​ប្រឆាំង​តស៊ូ​នឹង​គំនាប​នយោបាយ​ដែល​បាន​គំរាម​កំហែង​ដល់​ក្រុម MI6 គេ​បាន​រក​ឃើញ​រឿង​ពិត​ដ៏​អាថ៌កំបាំង​មួយ​ដែល​អាច​នឹង​បំផ្លាញ​គ្រប់​យ៉ាង​ដែល​គេ​ទទួល​បាន​កន្លង​មក។​

៧. Terminator: Genisys

ថ្ងៃ​ខែ​ចេញ​បញ្ចាំង៖ ថ្ងៃ​ទី១ ខែកក្កដា អ្នក​ដឹកនាំ៖Alan Taylor តួ​សម្ដែង៖Arnold Schwarzenegger,Jason Clarke,Emilia Clarke,Byung-hun Lee,Jai Courtney ,Michael Gladis ដំណើរ​រឿង៖ ​សាច់​រឿង​ទាំង​មូល​ចង់​បង្ហាញ​​ពី​សកម្មភាព​បែប​ ជា​វិទ្យាសាស្ត្រ​ប្រឌិត​មួយ ដែល​គេ​បង្កើត​ឡើង​​ ដើម្បី​ប្រឆាំង​ចំពោះ​ការ​បង្កើត​ម៉ាស៊ីន​ដែល​មាន​ផល​ប៉ះពាល់​ដល់​ជីវិត​ មនុស្ស​នៅ​លើ​ផែនដី។

http://youtu.be/62E4FJTwSuc

៨. Ant-Man ថ្ងៃ​ខែ​ចេញ​បញ្ចាំង៖ ថ្ងៃ​ទី១៧ ខែកក្កដា អ្នក​ដឹកនាំ៖ Peyton Reed តួ​សម្ដែង៖ Paul Rudd, Michael Douglas,Evangeline Lilly,John Slattery,Bobby Cannavale,Michael Peña ដំណើរ​រឿង៖ ដោយ​មាន​សមត្ថភាព​ពិសេស​អាច​បង្រួម​ខ្លួន​ឲ្យ​តូច ប៉ុន្តែ​មាន​កម្លាំង​ដ៏​ខ្លាំង​អស្ចារ្យ វីរបុរស​ស្រមោច​ក្រហម Scott Lang (Paul Rudd) ត្រូវ​ប្រើប្រាស់​ចំណុច​ខ្លាំង​របស់​ខ្លួន ដើម្បី​ជួយ​គ្រូ​របស់​គេ កម្ចាត់​ជន​ឧក្រិដ្ឋ​ដែល​មាន​បំណង​បំផ្លាញ​ពិភពលោក។

​

៩. Minions ថ្ងៃ​ខែ​ចេញ​បញ្ចាំង៖ ថ្ងៃ​ទី១០ ខែកក្កដា អ្នក​ដឹកនាំ៖ Pierre Coffin, Kyle Balda អ្នក​បញ្ចូល​សំឡេង៖ Sandra Bullock,Pierre Coffin,Chris Renaud) ,Jon Hamm ដំណើរ​រឿង៖ ភាពយន្ត​ថ្មី​នេះ នឹង​ផ្ដោត​សំខាន់​លើ Minion ៣​រូប គឺ Kevin, Stuart និង Bob នៅ​ពេល​ដែល​ពួក​គេ​​ធ្វើ​ដំណើរ​ស្វែង​រក​ចៅហ្វាយ​របស់​ខ្លួន។

http://youtu.be/eisKxhjBnZ0

១០. SpongeBob: Sponge Out of Water

ថ្ងៃ​ខែ​ចេញ​បញ្ចាំង៖ ថ្ងៃ​ទី៦ ខែកុម្ភៈ អ្នក​ដឹកនាំ៖ Paul Tibbitt,Mike Mitchell អ្នក​បញ្ចូល​សំឡេង៖ Tom Kenny,Clancy Brown,Bill Fagerbakke,Carolyn Lawrence ដំណើរ​រឿង៖ អ្នក​ក្លាហាន​អេប៉ុង SpongeBob នឹង​ធ្វើ​ដំណើរ​ផ្សង​ព្រេង​ដើម្បី​ស្វែងរក​សៀវភៅ​រូបមន្ត​ពិសេស​មួយ​របស់​គេ​ដែល​ត្រូវ​គេ​លួច ហើយ​ក៏​បាន​ជួប​នឹង​ក្រុម​ចោរ​សមុទ្រ។

http://youtu.be/TGjbpO1toTc

សម្រាប់​ប្រិយមិត្ត​ចង់​ទស្សនា​រឿង​ណា​ជាង​គេ?

អានអត្ថបទ៖តួ​ឯក​ស្រី Titanic នៅ​តែ​ស្រស់​ស្អាត​ក្នុង​រឿង​ថ្មី “A Little Chaos”