តាម​រយៈ​ខ្សែ​ភាពយន្ត "Despicable Me” ប្រិយមិត្ត​ប្រាកដ​ជា​បាន​ស្គាល់​ហើយ​នូវ​តុក្កតា​ Minion ដ៏​គួរ​ឲ្យ​ស្រឡាញ់ ហើយ​ឥលូវ​នេះ តុក្កតា Minion ទាំង​នេះ​នឹង​ត្រលប់​មក​វិញ​តាម​រយៈ រឿង​ថ្មី​មួយ​នៅ​ឆ្នាំ​ក្រោយ​នេះ ដែល​មាន​ចំណង​ជើង​ថា "Minions” តែ​ម្ដង។

ខ្សែ​ភាពយន្ត "Minions” បាន​ចេញ trailer ដំបូង​របស់​ខ្លួន​ល្ងាច​មិញ​នេះ ដែល​បង្ហាញ​រូបភាព​ពិសេស​ប្លែក​ៗ​ ស្រស់​ស្អាត និង​គួរ​ឲ្យ​អស់​សំណើច​ជា​ច្រើន។ ភាពយន្ត​ថ្មី​នេះ នឹង​ផ្ដោត​សំខាន់​លើ Minion ៣​រូប គឺ Kevin, Stuart និង Bob នៅ​ពេល​ដែល​ពួក​គេ​​ធ្វើ​ដំណើរ​ស្វែង​រក​ចៅហ្វាយ​ថ្មី។​

ខ្សែ​ភាពយន្ត "Despicable Me” វគ្គ​១ បាន​ចេញ​កាល​ពី​ឆ្នាំ​២០១០ ដោយ​អាច​រក​ចំណូល​សរុប​បាន ៥៤៣លាន​ដុល្លារ និង​វគ្គ ២​បាន​ចេញ​កាល​ពី​ឆ្នាំ​២០១៣ ដែល​អាច​រក​ចំណូល​បាន ៨៤១​លាន​ដុល្លារ ហើយ​វគ្គ​ទី​៣ នឹង​មាន​ចេញ​នៅ​ឆ្នាំ​២០១៧។

សម្រាប់​ខ្សែ​ភាពយន្ត​ថ្មី​រឿង "Minions” នេះ​វិញ​នឹង​មាន​បញ្ចាំង​នៅ​ថ្ងៃ​ទី​១០ ខែ​កក្កដា ឆ្នាំ​២០១៥។

http://youtu.be/P9-FCC6I7u0

អានអត្ថបទ៖ “Fast & Furious 7” ចេញ​ trailer ផ្លូវការ​ មើល​​​ហើយ​ធានា​ថា​ពេញ​ចិត្ត

ប្រែ​សម្រួល៖ វ៉ាន់ថន ប្រភព៖dailymail