ព្រះសង្ឃទស្សន៍ទាយថា ស្រីស្អាតរាងរាវ អេន យ៉ាដាវ មានគ្រោះស្នេហា

2015-01-08 17:17:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រះសង្ឃបានគន់គូរឃើញថា កញ្ញា អេន យ៉ាដាវ អាចនឹងមានគ្រោះពាក់ព័ន្ធនឹងស្នេហា តាំងពីមុនឆ្លងចូលចូលឆ្នាំថ្មីនេះ ប្រសិនបើមិនប្រយ័ត្នប្រយែង។ នេះបើតាមអ្នកម្ដាយរបស់ យ៉ាដាវ ដែលបានទៅពឹងពរព្រះសង្ឃគន់គូរឲ្យ។

យ៉ាដាវ បានរត់ទៅរកព្រះសង្ឃឲ្យជួយស្រោចទឹកប្រោះព្រំលើករាសីរំដោះគ្រោះភ្លាមៗ ក្រោយការទស្សន៍ទាយនេះ។ "ខ្មែរយើងតែងនិយាយថា បើមិនដឹងមិនអីទេ តែបើដឹងហើយ ធ្វើមិនដឹងមិនលឺ ឬក៏ផ្គើន ប្រាកដជាមានទោសទណ្ឌ អីចឹងហើយត្រូវតែទៅស្រោចទឹកបង...ម្យ៉ាងជាជំនឿខ្មែរយើងតាំងពីយូរយារហើយ!”។ កញ្ញា យ៉ាដាវ ថ្លែង។

ដើមហេតុដែលម្ដាយរត់ទៅពឹងពរព្រះសង្ឃឲ្យជួយគន់គូរ តារាម៉ូដែលវ័យ ២២ឆ្នាំរូបនេះ ថ្លែងថា ដោយសារថា មួយរយៈចុងក្រោយនេះ មានបុរសៗជាច្រើន ទាំងក្មេងទាំងចាស់ និងសុទ្ធជាអ្នកមានទ្រព្យទៀត បានព្យាយាមចូលមកជិតនាង ព្រួយពីកូនស្រីទើបអ្នកម្ដាយកញ្ញា បានទៅរកព្រះសង្ឃឲ្យជួយ។

"ម៉ែគាត់ប្រាប់ថា លោកតាមានសង្ឃដីកា ប្រាប់ថា ឲ្យប្រយ័ត្ន កុំឲ្យទាន់យកខ្លួនបៀតនឹងចំណងស្នេហ៍ណាមួយ ទោះគេមានទ្រព្យក៏ដោយ។ ម៉ែនិយាយទៀតថា ម៉ែដឹងថាអ្ហែង មិនមែនជាមនុស្សអីចឹងទេ តែម៉ែគ្រាន់តែរំលឹក ឲ្យចេះប្រយ័ត្ន ព្រោះម៉ែដឹងថាកូនឯងមានអ្នកតាមស្រឡាញ់ច្រើន!"។ យ៉ាដាវ និយាយតាមសំដីម្ដាយ ប្រាប់ Sabay។

ដោយសារតែបែបនេះ កញ្ញា អេន យ៉ាដាវ ប្រាប់ថា កញ្ញាមិនទាន់គិត មិនទាន់បើកភ្លើងខៀវទទួលយកនរណាម្នាក់ដែរ។ និយាយរួម មកទល់នឹងពេលនេះ កញ្ញាមិនទាន់មានគូកំណាន់ចិត្តណាមួយនៅឡើយទេ។ "ដូចខ្ញុំប្រាប់អីចឹងបង...មានតែអ្នកស្រឡាញ់ហើយតាមស្អិតណាស់ តែខ្ញុំអត់ទាន់ទទួលទេ ម្យ៉ាងលោកតាថា អាចមានគ្រោះដោយសាររឿងនេះ ម្យ៉ាងទៀតខ្ញុំខ្លួនឯងក៏មិនទាន់ចង់បានដែរ!”។

អត្ថបទ៖ ឈុតបញ្ចេញរន្ធផ្ចិត ៦សន្លឹក ពីកញ្ញា អេន យ៉ាដាវ សិចស៊ីមិនធម្មតា!!!

អត្ថបទផ្សេងទៀតជុុំវិញតារាជាតិ មាននៅទីនេះ!!!

អត្ថបទ៖ ទារិកា