ខ្សែ​បម្រើ​ប្រយុទ្ធ Wesley Sneijder ​ត្រូវ​បាន​គេ​រាយការណ៍​ថា​បាន​យល់​​ព្រម​ទៅ​លេង​នៅ​ក្រុម Juventus ​ហើយ ប៉ុន្តែ​ខាង​ក្រុម​សេះ​បង្កង់​​មិន​ទាន់​ប្រាប់​ពី​រយៈ​ពេល​ចុះ​កុងត្រា​និង​តម្លៃ​ខ្លួន​នៅ​ឡើយ​ទេ ខណៈ​ដែល​តាំង​ពី​ដើម​ខែ​មករា​នេះ​ រូប​គេ​ល្បី​ថា​នឹង​ទៅ​លេង​នៅ​ Manchester United។

Sneijder ​នៅ​ដើម​ខែ​នេះ​មាន​ទំនាក់ទំនង​យ៉ាង​ខ្លាំង​ជាមួយ​ក្រុម​ Manchester Unitd ដោយសារ​កីឡាករ​រូប​នេះ​ធ្លាប់​ធ្វើការ​ជាមួយ​លោក Val Gaal ​កាល​លេង​នៅ World Cup ​ប៉ុន្តែ​បែរ​ជា​ពេល​ថ្មី​ៗ​នេះ​ ភ្នាក់ងារ​របស់​គេ​បាន​អះអាង​ថា​កីឡាករ​វ័យ​៣០​ឆ្នាំ​រូប​នេះ​​បាន​យល់​ព្រម​ទៅ​លេង​នៅ Juventus ​ទៅ​វិញ។ ទោះ​ជា​យ៉ាង​នេះ​ក្ដី ខាង​ក្រុម​ Juventus ​មិន​ទាន់​ប្រាប់​ពី​តម្លៃ​ខ្លួន​ខ្សែ​បម្រើ​ប្រយុទ្ធ​រូប​នេះ​នៅ​ឡើយ​ទេ ខណៈ​ដែល​កាសែត​នៅ​ប្រទេស​ទួរគី​វិញ​បាន​សរសេរ​ថា​តម្លៃ​ផ្ទេរ​របស់​កីឡាករ​ជម្រើស​ជាតិ​ហុល្លង់​រូប​នេះ​អាច​ជា ៨​លាន​ផោន។

អតីត​កីឡាករ​របស់​ Ajax , Real Madrid , Inter Milan ​រូប​នេះ​ទើប​តែ​ចូល​លេង​នៅ Galatasaray ​នៅ​ឆ្នាំ​២០១៣​នេះ​ទេ ប៉ុន្តែ​បាន​ជួយ​ក្រុម​ខ្លាំង​នៅ​ទួគី​មួយ​នេះ​អាច​ឈ្នះ​ពាន​ដល់​ទៅ​៣​គឺ Super Lig , Turkish Super Cup ​និង​ Turkish Cup ៕

ចុចអាន៖នោះ! រឿង​រ៉ាវឈ្លោះ​គ្នា​​ Messi ​និង​ Enrique លេច​ចេញ​ហើយ

ប្រែ​សម្រួល៖ មុន្នី រម្យ ប្រភព៖ express