ក្រោយ​ការ​បង្ហាញ​មុខ​ក្នុង​នាម​ជា​តារា​បង្ហាញ​ខោ​ក្នុង​​ឲ្យ​ក្រុមហ៊ុន​ Calvin Klein ​តារា​ចម្រៀង​កាណាដា​ Justin Bieber ​ត្រូវ​បាន​សាធារណជន​ ​និង​សារព័ត៌មាន​មួយ​ចំនួន​វាយប្រហារ​ថា ​ប្រើ​ Photoshop​​ ជា​ជំនួយ​ដើម្បី​ឲ្យ​មើល​ឃើញ​សាច់​ដុំ​ធំ។

​គេហទំព័រ​ BreatheHeavy.com ​ជា​​សារព័ត៌មាន​ដំបូង​គេ​ដែល​ចេញ​រូប​ GIF ​របស់​ Justin Bieber ​ដែល​ធ្វើ​ឲ្យ​គេ​ឯង​យល់​ច្រឡំ​ថា ​​រូប​នោះ​គឺ​ពិត​ជា​កាត់​ត​មែន។ ​​តែ​បើ​តាម​ការ​ឆ្លើយ​តប​របស់​​ក្រុម​ការងារ​ Calvin Klein ​ប្រាប់​សារព័ត៌មាន ​TMZ ​ឲ្យ​ដឹង​ថា ​​ការ​​មួល​បង្កាច់​នោះ​គឺ​មិន​ពិត​ទេ​​ និង​គំរាម​ប្តឹង​សារព័ត៌មាន​ខាង​លើ​ទៀត​ផង។

​​ក្រោយ​មក​ គេហទំព័រ​ BreatheHeavy.com ​បាន​ធ្វើ​ការ​សូម​ទោស​ Justin Bieber ​ជា​សាធារណៈ ​និង​បាន​ដក​រូប​ភាព​ GIF ​នោះ​ចេញ​ហើយ​ដែរ។ ​បន្ទាប់​ពី​នោះ​ Calvin Klein ​​​បាន​បង្ហោះ​រូប​ដោះ​អាវ​របស់​ Justin Bieber ​​ស្លៀក​ខោ​ទ្រនាប់​ Calvin Klein ​ច្រៀង​​នៅ​លើ​ឆាក​អម​ដោយ​ឃ្លា​ថា "Can't Touch This”៕

អាន៖ ស្មាន​តែ Justin មាន​សាច់​ដុំ​​មែន តាម​ពិត Photoshop ជួយ​សោះ!

ប្រែ​សម្រួល៖ ​សីហា ប្រភព៖ ​Huffingtonpost