មែនក៏អីគេថាពេលមានសង្សារដូចចាក់សោខ្លួនឯង?

2014-10-02 16:28:27
ចំនួនមតិ 0 | ចំនួនចែករំលែក 0

ចន្លោះមិនឃើញ

“បើលេបបាន បងលេបអូនទុកក្នុងទ្រូង” នេះជាឃ្លាមួយក្នុងបទចម្រៀងរបស់លោក ព្រាប សុវត្ថិ មាន ចំណងជើងថា “លេបបានខ្ជាក់បាន” ដែលសម្ដែងក្ដីស្រលាញ់ស្ទើរលេប មិនចង់ឲ្យមនុស្សដែលខ្លួនស្រលាញ់ឃ្លាតឆ្ងាយ សូម្បីមួយជំហាន ពិសេសមិនចង់ឲ្យនាងពាក់ព័ន្ធជាមួយអ្នកដទៃ។

នេះជាការពិតនៅ ក្នុងជីវិតស្នេហា ដែលកាលណាមានក្ដីស្រលាញ់ មានក្ដីប្រច័ណ្ឌមកជាមួយគ្នា ជៀសមិនរួចឡើយ។ ហេតុនេះហើយទើបមានយុវវ័យខ្លះមិនហ៊ានមានស្នេហា ព្រោះខ្លាចបាត់បង់សេរីភាព និងទំនាក់ទំនងមិត្តភ័ក្ដិ ។

តើមានសង្សារពិតជាបាត់បង់សេរីភាពមែនឬ ?

យុវជន លី ហេង និស្សិតអក្សរសាស្ត្រចិន នៅសាកលវិទ្យាល័យអាស៊ីអឺរ៉ុប បានឲ្យដឹងថា អ្នកខ្លះស្រលាញ់ខ្លាំង ហួងហែងខ្លាំង មិនហ៊ានឲ្យសង្សារឃ្លាតសោះ ព្រោះខ្លាចគេមានថ្មី។ ដូច្នេះព្យាយាមតាមសួរនាំគ្រប់ពេល ចង់ដឹងគ្រប់រឿង រហូតធ្វើឲ្យភាគីម្ខាងទៀតមានអារម្មណ៍ថា មានសំពាធ បាត់បង់សេរីភាពផ្ទាល់ខ្លួន។

យុវជនរូបនេះបានបង្ហើបពីរឿងខ្លួនផ្ទាល់ថា៖ “ពេលខ្លះ ខ្ញុំទៅជាមួយមិត្តភ័ក្ដិ គ្រាន់តែភ្លេចលើកទូរសព្ទ ក៏គេខឹងងរ ហើយនក៏ចោទប្រកាន់ខ្ញុំថា មានអីលាក់បាំងហើយទើបមិនហ៊ានទទួលទូរសព្ទ”។

កញ្ញា ឡុង ជី រស់នៅម្ដុំស្តុបសន្ធរម៉ុក បានឲ្យដឹងស្រដៀង លី ហេង ដែរថា ធម្មតា ចិត្តស្រឡាញ់តែងតែចង់ដឹងពីសុខទុក្ខគ្នាទៅវិញទៅមក។ ប៉ុន្តែពេលខ្លះក៏ហួសហេតុដែរ ព្រោះចង់ឲ្យរាយការណ៍មកគ្រប់តែរឿង ទាំងអស់រហូតដល់ភាគីម្ខាង ទៀតធុញផង។ ជីជី បានបន្ថែមថា៖ “ដូចខ្ញុំជាដើម ហួងហែងគេខ្លាំង ចង់ដឹងរឿងគេសព្វយ៉ាង រហូតដល់ថ្ងៃខ្លះគេរអ៊ូថាចង់ក្លាយម៉ាក់គេទៅហើយ”។

រូបតំណាង

អានអត្ថបទ៖ ទីតាំងខ្លឹមៗនៃចរាចរណ៍ផ្លូវភេទនៅភ្នំពេញ

ចំណែក ឯ កញ្ញា ស្រីល័ក្ខ និស្សិតជំនាញគណនេយ្យ សាកលវិទ្យាល័យធនធានមនុស្ស បានឲ្យដឹងផ្ទុយអ្នកទាំងពីរខាងលើថា អាស្រ័យលើមនុស្សប៉ុណ្ណោះ។ បើសិនជាភាគីម្ខាងទៀតនៅចង់សប្បាយ ច្បាស់ជាភាគីម្ខាងទៀតហួងហែងស្លាប់ជាមិនខាន ព្រោះការស្រលាញ់ខ្លាំង គឺប្រច័ណ្ឌ កុំថាដល់ស្និទ្ធស្នាលជាមួយអ្នកដទៃ គ្រាន់តែសម្លឹងអ្នកផ្សេងក៏មិនបានដែរ។ ប៉ុន្តែបើគេយល់ចិត្តគ្នា ច្បាស់ជាផ្ដល់ឱកាសឲ្យគ្នាទៅវិញទៅមកមិនខាន។

ប៉ុន្តែ សម្រាប់កញ្ញាផ្ទាល់យល់ឃើញថា៖ “តាមការពិត មានស្នេហាក៏ព្រោះចង់បានមនុស្សម្នាក់មកយល់ចិត្ត យកចិត្តទុកដាក់ចំពោះខ្លួនដែរ ពិសេសមនុស្សស្រីមានស្នេហា គឺចង់ឲ្យគេហួងហែងដែរ ដើម្បីបង្ហាញពីក្ដីបារម្ភកាន់តែខ្លាំង ដូច្នេះរឿងបាត់បង់សេរីភាពខ្ញុំថាមិនមែនជាការពិតទេ”។

ជា ដំណោះស្រាយ យុវជន លី ហេង បានឲ្យដឹងថា៖ “ខ្ញុំគិតថា បើយើងស្រលាញ់គ្នាពិតប្រាកដ ខ្លាចអីនឹងជជែកតទល់គ្នា ហើយរកដំណោះស្រាយ ហើយបើនៅតែអត់ទុកចិត្តគ្នាទៀត ស្រលាញ់គ្នាដើម្បីអ្វីទៀត។ បែកគ្នាទៅល្អជាង ប៉ុន្តែសម្រាប់ខ្ញុំ និងមិត្តស្រីខ្ញុំឥឡូវនេះ គឺអាចយល់ចិត្តគ្នាបានច្រើន”។

ចុះអ្នកវិញ បើមានសង្សារពិតជាបាត់បង់សេរីភាពមែន តើអ្នកសម្រេចចិត្តនៅម្នាក់ឯងឬ?

ក្បួនស្រោចស្រង់ជីវិតយុវវ័យគួរតែដឹងបើបែកឬរបូតស្រោមពេលប្រតិបត្តិការ

សុដន់រីកធំ ជាអត្តសញ្ញាណលាក់មិនជិតថាអស់ព្រហ្មចារី?

៦យ៉ាងដែលស្រីៗគិត ពេលឃើញប្រុសៗដំបូង

៤យ៉ាងធ្វើឲ្យស្រីៗលង់ លែងទៅណារួច

បច្ចេកទេសឲ្យស្រីៗបាក់ស្រលាញ់ទោះមិនសង្ហា

អត្ថបទ៖ Sabay