បណ្ដុំសម្បុកសេវាផ្លូវភេទធំៗធ្លាប់ល្បីរន្ទឺនៅភ្នំពេញ ចុះឥឡូវ?
- 2014-09-25 18:14:29
- ចំនួនមតិ 0 | ចំនួនចែករំលែក 0
បណ្ដុំសម្បុកសេវាផ្លូវភេទធំៗធ្លាប់ល្បីរន្ទឺនៅភ្នំពេញ ចុះឥឡូវ?
ចន្លោះមិនឃើញ
នៅអំឡុងទសវត្សឆ្នាំ១៩៩០ និង២០០០ នរណាៗក៏ធ្លាប់ឮធ្លាប់ដឹងថា តំបន់ទាំងអស់នេះជាទីតាំងល្បីផ្ទុះខាងសេវាផ្លូវភេទ។
សូម្បីតែក្មេងៗ តាមខេត្តតាមជនបទ មិនដឹងថាកន្លែងខ្លះចំណោមកន្លែងអស់នេះបែរមុខទៅណាផង តែបើឮឈ្មោះគេយល់ភ្លែតថានោះជាសម្បុកពេស្យា ជាប្រភពជំងឺសង្គម ស្វាយ ប្រមេះ ទាមឡា ដែលធ្លាប់វាយលុកអ្នកនិយមបនស្រី មុនពេលអេដស៍ផ្ទុះឡើងទៅទៀត។
ប៉ុន្តែអំណាចនៃការអភិវឌ្ឍផ្នែកហេដ្ឋារចនាសម្ព័ន្ធសំណង់ ការលូតលាស់សេវាកម្មផ្សេងៗ បូករួមទាំងការបន្តឹងរបស់សមត្ថកិច្ចផងនៅទសវត្សចុងក្រោយនេះ កំពុងច្របាច់ឲ្យប្លុកធ្លាប់ល្បីរន្ទឺខាងសេវាផ្លូវភេទមួយចំនួន បានរលាយបាត់រូប ហើយខ្លះក៏កោសរលុបរួញខ្លួន បន្តិចម្ដងៗ។ ឯកន្លែងខ្លះទៀតចំណោមនោះមកដល់ឥឡូវនេះ ក៏នៅតែបន្តមានផ្គត់ផ្គង់ ប្រជែងគ្នាជាមួយពេស្សាចាដែលកំពុងពួនកំបាំងមុខ លួចលាក់នៅតាម ខារ៉ាអូខេ រង្គសាល ហាងម៉ាហ្សា ក្លិបរាត្រី ជាដើម។
អានអត្ថបទ៖ រូបភាពពិតនៅពីក្រោយវាំងននម៉ាហ្សា
វត្តភ្នំ៖ ឲ្យតែពេលយប់មកដល់ ក្រុមនារីពេស្សាបានបង្ហាញខ្លួន និងបក់ដៃទៅបុរសដែលបើកបរកាត់ទីនោះ ហើយមិនត្រឹមតែនារីទេ តែក្រុមភេទទី៣ក៏ពេញនិយមចាយរាងនៅទីនោះដែរ។ នៅសួនច្បារជាប់មាត់ទន្លេខាងកើត និងហូសទៅសួនច្បារផ្សារចាស់ក្បែរនោះដែរ ក៏ជាកន្លែងនារីៗបែបនោះតែងរំលេចខ្លួនលើបង់អង្គុយ និងដើរទៅមករង់ចាំអតិថិជនមកដល់ ហើយពួកគេក៏នឹងបន្តចេញទៅជាមួយបើអតិជននិយាយត្រូវថ្លៃ។
ប៊ូឌីង៖ ស្ថានភាពរប៉ាត់រប៉ាយនៃសំណង់បន្សល់ពីទសវត្សឆ្នាំ៦០មួយនេះ ធ្លាប់បានបន្ថែមដោយនារីស្លៀកពាក់ខើច វៀលលើវៀលក្រោម ដើរសសៀររេរារកម៉ូយនៅប្របដងផ្លូវ និងលើសួនច្បារមិនឆ្ងាយពីនោះប៉ុន្មាន។ ប៊ូឌីងជាទីធ្លាប់ល្បីនូវរូបភាពអស់នេះ កាលពីច្រើនឆ្នាំមុន ។
ផ្លូវត្រសក់ផ្អែម៖ ក្រុមនារីបម្រើសេវាផ្លូវភេទធ្លាប់បានប្រមូលផ្ដុំ ជ្រកក្រោមយីហោផ្ទះសំណាក់ជាច្រើន នៅកំណាត់ផ្លូវឯកទិសមួយនេះ។ ឯគល់ផ្លូវខាងជើង នោះក៏ជាកន្លែងនារីមួយចំនួនតែងខ្លួនខ្ញង់ៗរង់ចាំម៉ូយ ហើយអតិថិជនអាចនាំនារីនោះទៅណាក៏បានឲ្យតែត្រូវថ្លៃ។
ស្ពានស្ទឹងមានជ័យ៖ ពន្លឺភ្លឺងពណ៌ស្រាលៗតែងបំភ្លឺស្រទន់ៗចេញពីតូបការហ្វេតូចៗ ដែលមាននារីស្លៀកចេញសាច់ទ្រលុកទ្រលន់អង្គុយប្រៀបពេញនោះ។ ប៉ុន្តែការហ្វេកមួយកែវតម្លៃ២០០០ទៅ៣០០០រៀល មិនមែនជាគោលដៅ ដែលក្រុមបុរសទៅដល់ទីនោះត្រូវការឡើយ។ បុរសៗមានសិទ្ធរេភ្នែកពិចារណាទៅគ្រប់នារីលើកការហ្វេ អាចសួរពីតម្លៃ ហើយពួកគេនឹងបន្តទៅកាន់បន្ទប់តូចៗដែលមានស្រាប់ខាងក្រោមនោះ ដែលខ្លះមានតែវាំងននបាំងបិទប៉ុណ្ណោះ។
ត្រឡោកបែក៖ វាជាទីតាំងមួយចំណោមកន្លែងបម្រើសេវាផ្លូវភេទល្បីៗធំៗនៅភ្នំពេញ។ សេវាផ្លូវភេទតាមផ្ទះបនតូចៗ មានព្រាតដូចម្រាមដៃនៅសង្ខាងផ្លូវ៥៩៨។ យប់មិនទាន់ទេ នារីៗដែលមុខផាត់ដាមដោយម្សៅតែងបង្ហាញខ្លួន បក់ដៃរកភ្ញៀវ។
ទំនប់ទួលគោក៖ ទីនោះក៏ធ្លាប់ជាស្ដេចកន្លែងពេស្សាចារ។ សេវាផ្លូវភេទមានហូរហែ នៅតាមប្របផ្លូវ។ គេអាចទទួលសេវានៅតាមផ្ទះបន់ដែលម៉ែយ៉ែមគ្រប់គ្រង ឬ ក៏តថ្លៃយកនារីឈរបក់ដៃតាមចិញ្ចើមផ្លូវទៅផ្ទះ សំណាក់ ដែលមានច្រើនរាប់មិនឈ្នះក្បែរនោះ ឬក៏ទៅណាក៏បានឲ្យតែស្រុះស្រួលថ្លៃ។
បឹងកក់៖ នៅទស្សវត្សឆ្នាំ៩០ គេអាចទៅកាន់ផ្ទះឈើតូចៗសង់បណ្ដាក់គ្នារប៉ាត់រប៉ាយលើទឹកដែលមានពណ៌ខ្មៅ។ គេបានរៀបបិទបាំងដោយវាំងនន ជាបន្ទប់តូចៗជាប់គ្នា ដែលអាចស្ដាប់ឮរាល់សម្រឹបនៅលើផ្ទះទាំងនោះ សម្រាប់ជាកន្លែងនារីៗបម្រើផ្លូវភេទទទួលម៉ូយ។
ស្វាយប៉ាក៖ បណ្ដោយផ្លូវជាតិលេខ៥នៅគីឡូម៉ែត្រលេខ៩ ស្វាយប៉ាក ក៏ធ្លាប់ជាប់ក្នុងបញ្ជីតំបន់ធំៗដែលសម្បូរដោយសេវាផ្លូវភេទ។
អាងទឹកអូឡាំពិក៖ នៅបណ្ដោយផ្លូវមុន្នីរ៉េត ហួសស្តុបកែវផ្លូវព្រះសីហនុបន្តិច ក៏ជាទីតាំងវត្តមាននារីលក់សេវាផ្លូវភេទធ្លាប់លេចឡើងយ៉ាងកក្រើកសងខាងផ្លូវ។ មិនត្រឹមឈរទេ តែបើឃើញប្រុសៗបើកម៉ូតូកាត់ នោះអ្នកគោកជេរនឹងដើរនារីៗទាំងនោះពេញៗម៉ូតូតាមសួរថាត្រូវការឬអត់។
អានអត្ថបទ៖ ក្នុងស្ដេចក្លិបរាត្រីទាំង១០ នៅ Las Vegas ឡូយនោះឡូយអស់ស្ទះ
អត្ថបទ៖ ប៉ែន សុផាន់ណា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
