Lee Jae Won ក្រុម H.O.T កើតមហារីកក្រពេញទីរ៉ូអ៊ីដ

2015-01-13 15:11:27
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មានកូរ៉េមួយបានរាយការណ៍ថា Lee Jae Won សមាជិកក្រុម H.O.T កំពុងតែប្រឈមជំងឺមហារីកក្រពេញទីរ៉ូអ៊ីដ ក្នុងពេលនេះ។

ព័ត៌មាននេះបានលេចឡើងកាលពីថ្ងៃទី១០ ខែមករា។ ប្រតិកម្មនឹងអត្ថបទ អ្នកតំណាងរបស់ Lee បានអះអាងថា របាយការណ៍នោះមិនត្រឹមត្រូវទេ ប៉ុន្តែអះអាងថា Lee ពិតជាបានរងជំងឺនេះតាំងពីឆ្នាំមុនមកម្ល៉េះ។

បើផ្អែកតាម គេហទំព័រ StarN អ្នកតំណាងរូបនោះបញ្ជាក់ថា " អត្ថបទទាំងនោះមិនត្រឹមត្រូវទេ។ គាត់ទើបតែត្រឡប់មកកូរ៉េពីប្រទេសចិនថ្ងៃនេះ(ម្សិលមិញ) ហើយអ្នកគាំទ្រជាច្រើន បានសម្ដែងការព្រួយបារម្ភ"។

“Lee ត្រូវគ្រូពេទ្យរកឃើញថា មានជំងឺមហារីកក្រពេញទីរ៉ូអ៊ីដ ដំណាក់កាលដំបូងកាលពីឆ្នាំមុន។ ឥលូវគាត់ទទួលបានការព្យាបាលជោគជ័យហើយ។ គាត់មានសុខភាពល្អណាស់ពេលនេះ"។

ចំណែកសមីខ្លួនបានបញ្ជាក់បន្ថែមលើគេហទំព័រ Star News ថា "ខ្ញុំកើតជំងឺមហារីកក្រពេញទីរ៉ូអ៊ីដកាលពីខែមេសា តែវាជាដំណាក់កាលដំបូងប៉ុណ្ណោះ។ ឆ្នាំនោះនៅខែកក្ដដា និងសីហា ខ្ញុំបានទទួលការវះកាត់...បច្ចុប្បន្នខ្ញុំជាសះស្បើយហើយ"៕

ចុចអាន Kevin Cheng បឺតមាត់នារីអាថ៌កំបាំងក្នុងក្លឹប

ប្រែសម្រួល៖ អ៊ុំ សុភក្តិ ប្រភព៖ kpopstarz