Kevin Cheng ត្រូវ​គេ​លួច​ថត​បាន​សកម្មភាព ​ថើប​ស្រី​យ៉ាង​ផ្អែមល្ហែម​ក្នុង​ក្លឹប​មួយ ដែល​មាន​ទីតាំង​នៅ​តាម​បណ្ដយ​ផ្លូវ Lan Kwai Fong ទីក្រុង​ហុងកុង កាល​ពី​ថ្មីៗ​នេះ​។

សារ​ព័ត៌មាន On CC News បាន​ឱ្យ​ដឹង​ថា តារា​សម្ដែង​ហុងកុង-អាមេរិក បាន​ទៅ​លេង​នៅ​ក្លឹប​មួយ ​ក្នុង​ឥរិយា​បទ​ប្រយ័ត្ន ប្រយែង​នឹង​ក្រុម​អ្នក​ប្រមាញ់​រូប​មែន​ទែន រហូត​​ប្រទាក់​ភ្នែក​ ​​ឃើញ​នារី​ស្រស់​ស្អាត​ម្នាក់​នៅ​ជាន់​រាំ។

ទោះបីជាយ៉ាងណា ក្រោយ​មក​អ្នក​ចម្រៀង​​ កើតនៅ​​ឆ្នាំ​១៩៦៩​រូបនេះ ត្រូវ​គេ​ឃើញទៅ​​​ជជែក​លេង និង​ដាក់​ដៃភ្ជាប់ជញ្ជាំង រួច​ថើប​នាង​បី​ដង មុន​ពេល​ពួកគេ​ចេញ​ពី​ហ្វូង​មនុស្ស។ ​

“អរគុណ​សម្រាប់​ការព្រួយបារម្ភ​រឿង​ជីវិត​ស្នេហា​របស់​ខ្ញុំ"។ Kevin Cheng បាន​ឆ្លើយ​យ៉ាងដូច្នេះ នៅ​ពេល​​​អ្នកកាសែត​សួរ​ ដេញដោល​ពី​ព័ត៌មាន​ដ៏​រសើប​នេះ។

ពេល​គេ​សួរ​ទៀត​ថា​តើ​នារី​រូប​នោះ​ជា​មិត្ត​ស្រី​របស់​លោក​ឬ Kevin ឆ្លើយ​តប​ថា លោក​នឹង​ប្រកាស​ប្រាប់​ព័ត៌មាន​ល្អ​​ឱ្យ​សាធារជន​បាន​ដឹង។

តារា​ហុងកុង​បញ្ជាក់​ " ខ្ញុំ​មិនមែន​ក្មេង​ទៀត​ទេ ហើយ​ខ្ញុំ​មិន​ចង់​នៅ​ម្នាក់​ឯង​ដែរ។ ខ្ញុំ​សង្ឃឹម​ថា​នឹង​រក​បាន​ដៃគូ​ម្នាក់"៕

ចុច​អាន៖ Jung Woo-sung បដិសេធ​​​រឿង​​ទាក់ទង ​ស្ត្រី​​ខ្ទង់​​៣០​​ឆ្នាំ​

ចុចអាន៖ ស្រវឹង​ធ្លាក់​ភ្នែក លូក​លាន់​នារី​អូតេស​លើ​យន្តហោះ

ប្រែ​សម្រួល៖ អ៊ុំ សុភក្តិ ប្រភព៖ Yahoo