ពស់ព្រលិត កាន់ស្រៀវដៃ មុខម្ហូបមួយបែបរបស់ប្រជាជនខ្មែរ

2015-01-15 14:57:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពស់ព្រលិត មួយគីឡូក្រាម ចន្លោះពី ៦ពាន់ទៅ៨ពាន់រៀលឬលើសហ្នឹងតិចតួច

ថ្វីបើអ្នកខ្លះគ្រាន់តែឃើញក៏ខ្លាច តែពស់ព្រលិត នេះឯងជាប្រភេទពស់ធាត់សម្បូរសាច់ គ្មានពិស ស្លូត មិនចេះចឹក មិនចេះខាំ ប៉ុន្តែប្រជាជនខ្មែរមួយភាគធំ ក៏និយមយកវាទៅចម្អិនជាមុខម្ហូបយ៉ាងមានឱជារសទៀតផង។

នៅរដូវទឹកបឹងបួរចាប់ស្រកនេះ ក៏ជារដូវសម្បូរពស់ព្រលិតនៅតាមផ្សារដែរ។ បុរសអ្នកលក់ត្រី និង មានទាំងពស់ព្រលិតផងលើថាសដែកធំមួយនៅ ផ្សារស្ទឹងមានជ័យថា ពស់ព្រលិតលក់ដាច់គួរសមដែរ។ ពស់ទាំងនេះ គាត់ទិញពីប្រជានេសាទខ្មែរនៅ ឃុំវិហារសួគ៌ខេត្តកណ្ដាលមក និងលក់អាចបានថ្លៃមួយគីឡូក្រាម ពី៦ពាន់ទៅ៨ពាន់រៀល ឬលើសហ្នឹងតិចតួច។

លោកថាជាទូទៅ ពស់ទាំងនេះ វាត្រូវនឹងម្ហូបដូចជាពន្លាត់ស្បែកចេញរួចស្ងោរជ្រក់ច្របាច់ក្រូចឆ្មា ពិសេសគឺចិញ្ច្រាំឆាគ្រឿងតែម្ដង។ វាមានតម្លៃធូរថ្លៃគួរសម ហើយឱជារសវិញគ្រាន់បើដែរ បើបានភ្លក់ហើយ ញ៉ាមជាប់មាត់។

លោក បូ វ៉ាន់ វ័យក្បែរ៣០ឆ្នាំ អ្នកស្រុកមកពីខេត្ត តាកែវ ថា លោកធ្លាប់ឃើញម្ដាយលោកទិញពស់ព្រលិតធ្វើម្ហូបតាំងពីលោកនៅក្មេងម៉្លេះ។ «អ្ហូ! កាលពីក្មេងទៅផ្សារជាមួយម៉ែ គេដោតច្រឡាសទាំងច្រឡាស ថ្ងៃខ្លះវារួចវារ រវីមរវាម។ ម៉ែខ្ញុំឧស្សាហ៍ទិញណាស់ ខ្ញុំហូបវាតាំងពីតូច»៕

អានអត្ថបទ៖ បង្កងខេត្តតាកែវ ល្បីមួយស្រុកខ្មែរអ្នក ភ្នំពេញ អ្នកខេត្តណាក៏មិនរំលងបើទៅដល់

អានអត្ថបទ៖ នរណាខ្លះចូលចិត្ត ប៊្លូម៉ាការីតា? ពេលនេះអ្នកអាចធ្វើញ៉ាំខ្លួនឯងយ៉ាងងាយ!