Justin និង Selena ថាបែកគ្នាៗ ឥលូវដឹកដៃគ្នា ឡើងសណ្ឋាគារដដែល

2015-01-17 19:24:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលគេគិតថាល្ខោនស្នេហាតារាចម្រៀងកាណាដា Justin Bieber និងតារាចម្រៀងអាមេរិក Selena Gomez បញ្ចប់ទៅហើយ ស្រាប់តែថ្មីៗនេះ គេឃើញអ្នកទាំងពីរដើរលេងជាមួយគ្នា រួចឡើងសណ្ឋាគារជាមួយគ្នាដដែល។

បើតាមរបាយការណ៍របស់គេហទំព័រ TMZ គូស្នេហ៍តារាចម្រៀង ដែលបានបែកគ្នាកាលពីខែកញ្ញាឆ្នាំមុន ត្រូវបានគេឃើញនៅជាមួយគ្នាម្ដងទៀត កាលពីយប់ថ្ងៃទី១៥ ខែមករា នៅពេលកំពុងញ៉ាំបាយល្ងាចនៅភោជនីយដ្ឋាន Mastro's Steakhouse នៅទីក្រុង Beverly Hills រដ្ឋ California សហរដ្ឋអាមេរិក។ ក្រោយមកអ្នកទាំងពីរក៏បានឡើងឡានជាមួយគ្នា ទៅសណ្ឋាគារ West Hollywood ដែល Selena កំពុងស្នាក់នៅ។

មុនការណាត់ជួបរបស់តារាទាំងពីរដួងនេះ គឺនៅយប់ថ្ងៃទី១១ ខែមករា គេឃើញ Selena Gomez បណ្ដើរគ្នាយ៉ាងស្និទ្ធស្នាលជាមួយ DJ Zedd ក្នុងពិធីជប់លៀងក្រោយចប់កម្មវិធី Golden Globe Awards ដែលនាំឲ្យមានពាក្យចចាមអារ៉ាមថា DJ វ័យ ២៥ឆ្នាំម្នាក់នេះ គឺជាមិត្តប្រុសថ្មីរបស់នាងជំនួសឲ្យ Justin Bieber។ ប៉ុន្តែឥលូវនេះ នាងត្រលប់ទៅរកស្នេហាចាស់ដដែល។

Justin Bieber អាយុ ២០ឆ្នាំ និង Selena Gomez អាយុ២២ឆ្នាំ ក្លាយជាគូសង្សារកាលពីឆ្នាំ២០១០ ដែលក្រោយមកគូស្នេហ៍មួយគូនេះ មានព័ត៌មានបែកគ្នា និងជួបគ្នាវិញជាច្រើនដង។ ពួកគេបានបែកគ្នាលើកចុងក្រោយកាលពីខែកញ្ញា ឆ្នាំ២០១៤។

ចាំមើល មើល៍ថាតើការជួបជុំគ្នាវិញលើកនេះអាចមានរយៈពេលប៉ុណ្ណាទៅ?

ចុចអាន៖Justin Bieber បង្ហោះវីដេអូយំ ខកចិត្តដោយសារ Selena បណ្ដើរប្រុសថ្មី ឬចង់ឌឺ?

ប្រែសម្រួល៖ វ៉ាន់ថន ប្រភព៖ dailymail