វិធីសាមញ្ញៗបំបាត់ខ្លាញ់ក្បាលពោះដោយមិនបាច់ហាត់ប្រាណ

2015-01-21 17:32:01
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីៗភាគច្រើន តែងប្រាថ្នាចង់បានក្បាលពោះរាបស្មើដូចតារាបង្ហាញម៉ូដ ដូច្នេះហើយទើបពួកគេព្យាយាមទៅក្លិបហាត់ប្រាណ។ យ៉ាងណាក្ដី បញ្ហាពេលវេលា ទីកន្លែង និងរបៀបនៃការហាត់ នៅតែជាផលវិបាកសម្រាប់ពួកគេ។ ឥឡូវនេះ កុំបារម្ភទៀតអី! សាកល្បងមកធ្វើតាមវិធីសាមញ្ញៗបំបាត់ខ្លាញ់ក្បាលពោះដោយមិនបាច់ហាត់ប្រាណខាងក្រោមនេះម្ដង អ្នកនឹងឃើញលទ្ធផល៖

១. រក្សា និងពិនិត្យមើលចំនួនកាឡូរី

អ្នកអាចបញ្ចប់ក្បាលពោះធំបានដោយមិនចាំបាច់ធ្វើអ្វីច្រើន ដោយគ្រាន់តែរក្សា និងពិនិត្យមើលចំនួនកាឡូរី។ ការទទួលទានដោយមិនយកចិត្តទុកដាក់ គឺជាឧបសគ្គដ៏ធំ។ ជម្រើសដ៏ល្អ គឺអ្នកគួរទទួលទានអាហារ និងទឹកផ្លែឈើណាដែលល្អចំពោះសុខភាព។

២. ម៉ត់ចត់ចំពោះរបបអាហារ

ត្រូវរៀបចំរបបអាហារឲ្យបានត្រឹមត្រូវ។ អាហារល្អ មានចម្រុះដោយបន្លែពណ៌បៃតងដែលមានជាតិសរសៃ និងខ្លាញ់ រីឯផ្លែឈើ មានដូចជា ផ្លែប័រ សណ្ដែកដី និងផ្លែអាល់ម៉ុង។

៣. បំបាត់ស្រ្តេស

អ័រម៉ូនរបស់យើងក៏អាចធ្វើឲ្យពិបាកក្នុងការកម្ចាត់ជាតិខ្លាញ់ក្បាលពោះបានដែរ។ ពេលមានភាពតានតឹងខ្លាំងនាំឲ្យអ័រម៉ូន cortisol មានការកើនឡើងហើយបន្ថែមជាតិខ្លាញ់ត្រង់បរិវេណនោះ។ ដូចនេះត្រូវចេះរំសាយភាពតានតឹងនឹងកាត់បន្ថយជាតិខ្លាញ់នោះយ៉ាងលឿនដោយខ្លួនឯង។

៤. គេងឲ្យគ្រប់គ្រាន់

ការគេងមិនបានគ្រប់គ្រាន់ធ្វើឲ្យមនុស្សមានទំនោរទៅរកការញ៉ាំមកបន្ថែម ដូចនេះរយៈពេលគេង៧ ទៅ ៨ ម៉ោងនឹងជួយអ្នកក្នុងការរក្សា និងសម្រក់ទម្ងន់។

៥. ផឹកទឹកឲ្យបានច្រើន

ការខ្សោះជាតិទឹក គឺជាកត្តាមួយធ្វើឲ្យទម្ងន់កើនឡើងដោយខ្លួនឯង។ ដូចនេះត្រូវផឹកទឹកក្នុងមួយថ្ងៃ ឲ្យបានមួយលីត្រកន្លះ ទៅពីរលីត្រកន្លះ។

៦. ជៀសវាងអាហារខ្លាញ់

បំណងរបស់អ្នក គឺចង់សម្រកខ្លាញ់ក្បាលពោះ ដូចនេះមិនត្រូវបន្ថែមកាឡូរីទៀតទេ ផ្ទុយទៅវិញមួយថ្ងៃអ្នកត្រូវដុតបំផ្លាញកាឡូរីចំនួន ៥០០ ទើបធ្វើឲ្យសប្ដិនក្លាយជាការពិត។

៧. ចៀសវាងជក់បារី និងផឹកស្រា

ជាតិនីកូទីន និងគ្រឿងស្រវឹង ជាការជម្រុញការឡើងទម្ងន់ ដូចនេះត្រូវនៅឲ្យឆ្ងាយពីពួកវា។

៨. បន្ថយជាតិអំបិល

មូលហេតុដែលធ្វើឲ្យខ្លាញ់ប្រមូលផ្ដុំនៅក្បាលពោះនោះដោយសារអំបិល។ ក្នុងរាងកាយរបស់អ្នកមានជាតិអំបិលច្រើនវានឹងចូលទៅបំផ្លាញជាតិទឹកក្នុងខ្លួន ហើយពេលខ្វះជាតិទឹកសារជាតុខ្លាញ់នឹងចូលទៅហ៊ុមព័ទ្ធចង្កេះ។

ចុចអាន៖ វិធីបំបាត់ស្នាមសង្វារដោយមិនបាច់ចំណាយច្រើន

ប្រែសម្រួល៖ទ្រី រ៉ាវី ប្រភព៖stylecraze