តារាស្រី ៩ ដួងឆក់ភាពល្បីឈ្មោះ ព្រោះសម្រស់ដើមទ្រូង
- 2015-01-22 18:36:08
- ចំនួនមតិ 0 | ចំនួនចែករំលែក 0
តារាស្រី ៩ ដួងឆក់ភាពល្បីឈ្មោះ ព្រោះសម្រស់ដើមទ្រូង
ចន្លោះមិនឃើញ
ការកសាងកេរ្តិ៍ឈ្មោះក្នុងសង្គមសិល្បៈខ្មែររបស់តារាស្រីនានា ចែកចេញជាពីរផ្នែក តារាខ្លះល្បីឈ្មោះព្រោះតែទេពកោសល្យសម្ដែងពីកំណើត ហើយតារាខ្លះទៀតទាក់ទាញប្រជាប្រិយភាពទៅបាន គឺមកពីសម្រស់ ជាពិសេសសម្រស់ដើមទ្រូង។
នៅព្រឹកនេះ Sabay សូមលើកយកតារាស្រី ៩ ដួងភាគច្រើនពង្រីកកេរ្តិ៍ឈ្មោះល្បីល្បាញបាន គឺដោយសារការហ៊ានបញ្ចេញដើមទ្រូងដ៏ស្រស់ស្អាតរបស់ពួកគេដើម្បីភាពល្បីល្បាញ។ តារាស្រីទាំង ៩ដួងមានដូចខាងក្រោម៖
ប៊ុន ផៃលីន សកម្មភាពក្នុងសិល្បៈដូចជាការច្រៀង និងសម្ដែងជាដើមមិនមានអ្វីជាដុំកំភួនឱ្យទស្សនិកជនចាប់អារម្មណ៍ឡើយ។ ក៏ប៉ុន្តែការហ៊ានបញ្ចេញដើមទ្រូងទ្រលុកទ្រលន់ ដោយមិនខ្លាចការរិះគន់ពីមហាជន ធ្វើឱ្យតារា Sexy រូបនេះមានប្រជាប្រិយភាពគួរឱ្យកត់សម្គាល់។
សេង សូណា ពន្លែងល្វែងលើតែមួយប្រាវ ធ្វើឱ្យប្រជាប្រិយភាពនាងមានគេចាប់អារម្មណ៍ច្រើនក្នុងសង្គមសិល្បៈ ខណៈសកម្មភាពសម្ដែង ក៏ដូចជាទេពកោសល្យពីកំណើតមិនខុសពីកញ្ញា ប៊ុន ផៃលីន ឡើយ។ បើទោះជាមានការរិះគន់ខ្លះពីមហាជននាងហាក់ដូចជាមិនសូវចាប់អារម្មណ៍ឡើយ ព្រោះធ្វើបច្ចុប្បន្នកញ្ញា ធ្លាប់ប្រាប់ថាគឺជាចំណង់ចំណូលចិត្តតាំងពីតូចមក។
ព្រីម លីហ្សា ក៏ជាតារាសម្ដែងមួយដួងឆក់បានប្រជាប្រិយភាពពីមហាជន ដោយសារភាព Sexy ផងដែរ។ នាងតែងបង្ហាញសម្រស់ដើមទ្រូងដ៏ស្រស់ស្អាតរបស់ខ្លួនទៅកាន់ទស្សនិកជននៅពេលចូលរួមកម្មវិធីសិល្បៈម្ដងៗ រួមនឹងនៅលើបណ្ដាញសង្គម Facebook ថែមទៀត។
ក្រៅតែពីភាព Sexy ទាក់ទាញការគាំទ្រពីទស្សនិកជន រឿងបង្អួតសំលៀកបំពាក់តម្លៃរាប់ពាន់ម៉ឺនដុល្លារ ព្រីម លីហ្សា ក៏ទទួលការចាប់អារម្មណ៍ខ្លាំងពីមហាជនថែមទៀត។ មានពេលខ្លះប្រិយមិត្តមួយចំនួនកោតសរសើរនាងទៀតផង ខណៈសកម្មភាពក្នុងសិល្បៈមិនសូវជាលេចធ្លោ តែហ៊ានប្រើប្រាស់សម្ភារៈថ្លៃៗ។
កុល ដាវី ក៏មិនសូវខុសពីតារាប៉ុន្មាននាក់ខាងលើ នាងត្រូវទស្សនិកជនចាត់ទុកថាជាតារា Sexy ម្នាក់ក្នុងចំណោមតារាស្រីនានាក្នុងប្រទេស កម្ពុជា។ ការហ៊ានបញ្ចេញដើមទ្រូងរបស់ខ្លួន ដោយមិនព្រួយបារម្ភពីការរិះគន់នាពេលកន្លងមកធ្វើឱ្យនាងទទួលការចាប់អារម្មណ៍ច្រើនពីមហាជន។ ទន្ទឹមនឹងភាពល្បីឈ្មោះ ព្រោះសម្រស់ដើមទ្រូង កុល ដាវី ក៏មានសកម្មភាពគួរឱ្យកត់សម្គាល់ផងដែរក្នុងសកម្មភាពសិល្បៈ។ សកម្មភាពថតខ្សែភាពយន្ត និងខារ៉ាអូខេមួយចំនួន ក៏បានទទួលការគាំទ្រពីអ្នកទស្សនាជារឿយៗ។
វ៉ាង ស្រីណូ គឺជាតារាស្រីទស្សនិកជនចាត់ទុកថាមានភាព sexy ជាងគេក្នុងចំណោមតារាស្រីដទៃទៀតកាលពីពេលកន្លងទៅ។ ទោះជាសកម្មភាពក្នុងសិល្បៈនាពេលបច្ចុប្បន្ន បានស្ងប់ស្ងាត់ក្រោយពីនាងផ្អាកមួយរយៈក្ដី ក៏ប៉ុន្តែកេរ្តិ៍ឈ្មោះនាងតែងតែលេចលឺជារឿយៗតាមបណ្ដាញសារព័ត៌មាននានាផ្ដើមដោយតារាសម្ដែង sexy។
ឆ័យលី ដាឡែន សកម្មភាពចម្រៀងក្នុងវិថីសិល្បៈមានភាពមមាញឹកច្រើន តែអាជីពនេះមិនសូវជាលេចធ្លោឡើយសម្រាប់នាង បើទោះជាប្រឡូកសិល្បៈយូរហើយក្ដី។ ក៏ប៉ុន្តែការហ៊ានពន្លែងដើមទ្រូងដ៏ស្រស់ស្អាតធ្វើឱ្យនាងមានប្រជាប្រិយភាពជាខ្លាំង។ ជាពិសេសអំឡុងការសម្ដែងនៅសហរដ្ឋអាមេរិកកាលពីពេលកន្លងទៅ នាងទទួលទាំងការសរសើរ និងការរិះគន់។
ឆយី ភាព Sexy នៃសម្រស់ដើមទ្រូងរបស់នាង ក៏ទាក់ទាញការចាប់អារម្មណ៍ពីមហាជនមិនចាញ់តារា sexy ដទៃទៀតនោះដែរ។ ទោះជាមានការរិះគន់ខ្លះ ក៏ប៉ុន្តែភាព sexy នេះធ្វើឱ្យគេស្គាល់ និងចាប់អារម្មណ៍ច្រើននាពេលថ្មីកន្លងទៅ ខណៈសកម្មភាពក្នុងសង្គមសិល្បៈមានភាពស្ងប់ស្ងាត់។
ពេជ្រ អាវីហ្សា សកម្មភាពក្នុងសិល្បៈតិចតួចប៉ុណ្ណោះ ក៏ប៉ុន្តែការហ៊ានបង្ហាញដើមទ្រូងស្រស់ៗទាំងគូរបស់នាង ធ្វើឱ្យប្រជាប្រិយភាពហក់ឡើងខ្លាំងមួយរំពេច។ ភាព sexy នាងចូលចិត្តបង្ហាញជាមួយនឹងលោក អេនឌី និងការចូលរួមកម្មវិធីសិល្បៈផ្សេងតែងតែទទួលការចាប់អារម្មណ៍ពីអ្នកសិល្បៈដូចគ្នា និងមហាជនខាងក្រៅ។
សាសា អតីតពិធីការិនី CTN រូបនេះក៏មានភាពល្បីឈ្មោះព្រោះតែរឿងហ៊ានបញ្ចេញល្វែងលើផងដែរ។ ការធ្វើជាពិធីការិនី នាងហាក់ដូចជាមិនសូវការចាប់អារម្មណ៍ខ្លាំងទេក្នុងចំណោមមហាជន។ ក៏ប៉ុន្តែសកម្មភាពបញ្ចេញដើមទ្រូងមិនខ្លាចការរិះគន់ ធ្វើឱ្យកញ្ញាមានគេស្គាល់ច្រើនមិនចាញ់តារាស្រីទាំង ៨ដួងខាងលើឡើយ។
នេះគ្រាន់តែជាឈ្មោះតារាស្រីល្បីឈ្មោះដោយការប្រើសម្រស់ដើមទ្រូងដែល Sabay លើកយកមកត្រួសៗប៉ុណ្ណោះ។ មានតារាស្រីជាច្រើនទៀតលេចឈ្មោះក្នុងសង្គមសិល្បៈតាមរយៈភាព Sexy។ ជាក់ស្ដែង កញ្ញា អៀ ម៉េងលី ហៅ អូនម៉ី ទើបលេចមុខនៅក្នុងពិភពសិល្បៈ តែហ៊ានបង្ហាញល្វែងលើ ដោយបង្ហាញដើមទ្រូង ដោយនាងនិយាយថា "ខ្ញុំចូលចិត្តភាពសិចស៊ីតាំងពីនៅតូច"។ តែគេនៅមិនទាន់ដឹងថា អូនម៉ី នឹងអាចក្រសោបបានតំណែងជាតារាសម្ដែងសិចស៊ី និង មានឈ្មោះល្បីល្បាញដូចតារាស្រីទាំង ៩ ដួងខាងលើនៅឡើយទេ។
ចុះប្រិយមិត្តដឹងថា នៅមានតារាសិចស៊ី ហ៊ានបង្ហាញដើមទ្រូងណាខ្លះទៀត បើដឹងកុំភ្លេចប្រាប់ផងណា៎!
អានអត្ថបទបន្ត៖ អាថ៌កំបាំងតារាៗធ្វើខួបកំណើត ឡើងផ្ទះអស់ពាន់ម៉ឺនដុល្លារ
អានអត្ថបទបន្ត៖ អូនម៉ី៖ ខ្ញុំធំល្មមអាចបញ្ចេញភាពសិចស៊ីខ្លះបានហើយ
អានអត្ថបទបន្ត៖ តួឯករឿង “កូនមាសម្ដាយ” ទៅចែករំលែកបទពិសោធន៍នៅ DMC
អត្ថបទ៖ អ៊ីង សុឡា