Balotelli កំពុងយ៉ាប់យ៉ឺនហើយ ត្រូវគូដណ្ដឹងបោះបង់ទៀត

2015-01-26 16:02:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធធ្លាក់ជើង Mario Balotelli របស់ក្រុម Liverpool ត្រូវបានគេរាយការណ៍ថា ត្រូវតារាម៉ូដែលបែលហ្សិក Fanny Neguesha ដែលជាគូដណ្ដឹងរបស់គេ បានផ្ដាច់ពាក្យវិញ ព្រោះតែកីឡាកររូបនេះជំទាស់មិនឲ្យនាងថតរូបសិចស៊ីឲ្យទស្សនាវដ្ដី។

កីឡាករជម្រើសជាតិអ៊ីតាលី បានភ្ជាប់ពាក្យជាមួយស្រីស្រស់វ័យ២២ឆ្នាំកាលពីឆ្នាំមុន អំឡុងពេល World Cup ក្នុងប្រទេសប្រេស៊ីល។ ទោះយ៉ាងណា ទំនាក់ទំនងរបស់ពួកគេ បានត្រឹមតែមួយរយៈពេលខ្លីតែប៉ុណ្ណោះ ខណៈដែលនាង Neguesha បានប្រគល់ចិញ្ចៀនភ្ជាប់ពាក្យវិញ បន្ទាប់ពី Balotelli ទាមទារឲ្យនាងឈប់ធ្វើជាតារាម៉ូដែល។

នាង Neguesha បានប្រាប់ដល់ទូរទស្សន៍អ៊ីតាលីថា៖ «គាត់មិនចង់ឃើញខ្ញុំថតរូប ច្រៀង ឬរាំ។ ខ្ញុំបានពន្យល់គាត់ហើយថា នេះជាអាជីពរបស់ខ្ញុំ ប៉ុន្តែគាត់មិនស្ដាប់។ ខ្ញុំមិនអាចទទួលយកសំណើរបស់គាត់បានទេ ព្រោះខ្ញុំស្រលាញ់អាជីពរបស់ខ្ញុំ។ ខ្ញុំបានប្រគល់ចិញ្ចៀនភ្ជាប់ពាក្យទៅគាត់វិញ គាត់ហាក់ដូចជាខកចិត្ត ប៉ុន្តែឥឡូវយើងទាំងពីរ គ្មានបញ្ហាអ្វីទៀតទេ»។

នេះមិនមែនជាលើកទី១ទេដែលតារាបាល់ទាត់ល្បី បានដាច់ទំនាក់ទំនងស្នេហា ក្នុងឆ្នាំ២០១៥។ ជាក់ស្ដែង Cristiano Ronaldo ដែលទាក់ទងជាមួយសង្សារឈ្មោះនាង Irina Shayk ជាច្រើនឆ្នាំមកហើយនោះ ក៏បានបែកបាក់គ្នាដែរកាលពីដើមខែកន្លងទៅ៕