Microsoft Account ជាអ្វី? មានប្រយោជន៍អ្វីខ្លះ? ហើយបង្កើតដូចម្តេច?
- 2014-10-03 17:17:18
- ចំនួនមតិ 0 | ចំនួនចែករំលែក 0
Microsoft Account ជាអ្វី? មានប្រយោជន៍អ្វីខ្លះ? ហើយបង្កើតដូចម្តេច?
ចន្លោះមិនឃើញ
Microsoft Account ប្រៀបបានទៅនឹងកូនសោសម្រាប់ចាក់បើកទ្វារចូលទៅប្រើប្រាស់សេវាកម្ម និងផលិតផលទាំងឡាយរបស់ក្រុមហ៊ុន Microsoft ។ បន្ទាប់ពីបានបើកសោហើយ (Sign-in) យើងអាចប្រើប្រាស់ Skype, Office 365, ទាញយកកម្មវិធី ហ្គែម ចម្រៀង វីដេអូ ពី Windows ឬ Windows Phone Stores, ចូលទៅមើលរូបភាព វីដេអូ និងឯកសារនានាដែលរក្សាទុកនៅក្នុងទូឯកសារអនឡាញ OneDrive មិនថាក្នុងទូរស័ព្ទ ធែប្លិត ឬកុំព្យូទ័រ។
មិនត្រឹមតែប៉ុណ្ណោះយើងក៏អាចភ្ជាប់ Microsoft Account ទៅប្រើប្រាស់សេវាកម្មដទៃទៀតដូចជា Facebook, twitter ឬ LinkedIn ជាដើម។ Microsoft Account រួមមាន៖ អាសយដ្ឋានអ៊ីមែល និង លេខសម្ងាត់។ http://windows.microsoft.com/en-US/windows-live/sign-in-what-is-microsoft-account
ការបង្កើត Microsoft មានភាពងាយស្រួល ។ ដោយគ្រាន់តែចូលទៅក្នុង Internet Explorer វាយបញ្ចូល signup.live.com ហើយចាប់ផ្តើមចុះឈ្មោះ ដោយវាយបញ្ចូលអ៊ីមែលដែលយើងមានស្រាប់ដូចជា Hotmail, Outlook, Yahoo, Gmail ។ល។ ឬបង្កើតអ៊ីមែលថ្មីសន្លាងមួយទៀតក៏បាន។ បន្ទាប់មកបំពេញព័ត៌មានផ្ទាល់ខ្លួនមួយចំនួនទៀតតាមការស្នើសុំនៅលើទំព័រនោះ ។ ប្រសិនបើយើងចុះឈ្មោះដោយប្រើប្រាស់ Yahoo ឬមួយ Gmail យើងចាំបាច់ចូលទៅក្នុងប្រអប់សំបុត្រ Yahoo ឬ Gmail របស់យើងនោះដើម្បីចុចលើ Link មួយដែលក្រុមហ៊ុន Microsoft ផ្ញើឲ្យដើម្បីបញ្ជាក់ថាយើងពិតជាម្ចាស់កម្មសិទ្ធិនៃអ៊ីមែលនោះប្រាកដមែន ៕
អត្ថបទ៖ ពាណិជ្ជកម្មNokia