ល្បីថា តួឪពុកទិន ហ្វីស្លាប់ដោយសារជំងឺបេះដូង

2015-01-28 17:04:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តួឪពុកទិន ហ្វីដែលមានឈ្មោះពិតថា Ng Man Tat ត្រូវបានគេនិយាយតៗគ្នាថា បានស្លាប់ដោយសារជំងឺបេះដូង។ តែស្របពេលដែលចចាមអារ៉ាមនេះចែករំលែកតៗគ្នានៅលើបណ្ដាញសង្គមចិន Weibo តារាសម្ដែងជើងចាស់ពូកែកំប្លែងចេញមកបកស្រាយថា៖ "អរគុណអ្នកគ្រប់គ្នាចំពោះការបារម្ភ។ ពេលនេះ ខ្ញុំធូរស្បើយច្រើនហើយ និងអាចជួបអ្នកទាំងអស់គ្នានៅពេលឆាប់ៗ"។

ទន្ទឹមគ្នានឹងការបញ្ជាក់នោះ លោកក៏បានបង្ហោះរូបភាពមួយសន្លឹកលើកម្រាមពីរទាំងសងខាងក្នុងសភាពស្គមស្គាំងជាងកាលដែលធ្លាប់ឃើញកន្លងមក។

លោក Ng Man Tat បង្ហោះរូប និងសារជម្រះមន្ទិលពីការស្លាប់នៅលើបណ្តាញសង្គម Weibo

ទន្ទឹមគ្នានឹងសារបញ្ជាក់ថា លោកមិនទាន់ស្លាប់ តារាសម្ដែងវ័យ ៦៣ ឆ្នាំបានឲ្យដឹងដែរថា មេរោគបេះដូងបានធ្វើឲ្យបេះដូងលោកចុះខ្សោយ ហើយសូម្បីតែឡើងជណ្ដើរប៉ុន្មានកាំសឹងតែផុតដង្ហើមម្តងៗ។ លោកបន្តទៀតថា ពេលនេះលោកបានបោះបង់បារី និងស្រាចោលហើយដោយសារសុខភាពមិនអំណោយផលខ្លាំង។

Ng Man Tat ត្រូវបានគេស្គាល់តាមរយៈរឿងល្បីៗជាច្រើនដែលសម្ដែងជាមួយ Stephen Chow (ទិន ហ្វី) ជាតួឪពុកដោយក្នុងនោះរួមមានរឿង "កំពូលអ្នកសុំទាន" និង "ស្តេចបាល់ទាត់ទិន ហ្វី" ជាដើម។

មានអ្វីចង់និយាយជូនពរតារារូបនេះទេ?

អាន៖ បើឈិន ឡុង និងPacquiao សម្ដែងរឿង “The Expendables 4” យល់ម៉េចដែរ?

ប្រែសម្រួល៖ សីហា ប្រភព៖ Channelnewsasia