បេក្ខនារីអាស៊ី ចូល The Voice អាមេរិក ច្រៀងពីរោះដល់ថ្នាក់គ្រូបង្វឹកលុតជង្គង់អង្វរឲ្យចូលក្រុម
- 2014-10-03 21:44:28
- ចំនួនមតិ 0 | ចំនួនចែករំលែក 0
បេក្ខនារីអាស៊ី ចូល The Voice អាមេរិក ច្រៀងពីរោះដល់ថ្នាក់គ្រូបង្វឹកលុតជង្គង់អង្វរឲ្យចូលក្រុម
ចន្លោះមិនឃើញ
បេក្ខនារីម្នាក់មានសញ្ជាតិហ្វីលីពីន-អាមេរិក បានទទួលការចាប់អារម្មណ៍យ៉ាងខ្លាំងពីសំណាក់គ្រូបង្វឹក និងទស្សនិកជន កម្មវិធី The Voice អាមេរិក ដោយនាងមានអាយុត្រឹមតែ ១៥ឆ្នាំ តែមានសមត្ថភាពច្រៀងគួរឲ្យសរសើរ។
បេក្ខនារីរូបនេះមានឈ្មោះ Katriz Trinidad និងបានលើកយក បទ "At Last” របស់តារាចម្រៀង Etta James យកមកច្រៀងក្នុងកម្មវិធីប្រឡង The Voice រដូវកាលទី៧ ដែលបានចាក់ផ្សាយលើទូរទស្សន៍ NBC កាលពីថ្ងៃអង្គារកន្លងទៅ។ Katriz បានឆ្លងកាត់វគ្គ Blind Audition យ៉ាងជោគជ័យ ដោយរយៈពេលមិនដល់កន្លះនាទីផង សំឡេងរបស់នាង បានធ្វើឲ្យគ្រូបង្វឹកចំនួន ៣រូបចុចបង្វិលកៅអីព្រមៗ គ្នា ក្នុងនោះរួមមាន Pharrell Williams, Gwen Stefani, និង Blake Shelton។
គ្រូបង្វឹកទាំងអស់បានកោតសរសើរសមត្ថភាពរបស់នាងគ្រប់ៗគ្នា ហើយក្នុងនោះ Williams បាននិយាយថា "ខ្ញុំមិនដែលគិតថាខ្ញុំអាចរកឃើញតារាចម្រៀង ល្អដូចជាប្អូនទេ។ សូមចាំពាក្យនេះ៖ ខ្ញុំចង់ឲ្យប្អូនចូលក្នុងក្រុមរបស់ខ្ញុំខ្លាំងមែនទែន ហើយខ្ញុំមិនដែលធ្វើបែបនេះទេពីមុនមក។ ខ្ញុំលុតជង្គង់ហើយ"។ ចុងក្រោយ Katriz ក៏បានជ្រើសរើសចូលក្រុមរបស់ Pharrell Williams។
ចង់ដឹងថា បេក្ខនារីរូបនេះមានសមត្ថភាពប៉ុណ្ណានោះ ទស្សនាវីដេអូខាងក្រោមនេះទាំងអស់គ្នា៖
http://youtu.be/_9HyMfUGENk
អាន៖ ជួបតារាចម្រៀងជាអតីតជយលាភី The Voice អាមេរិកទាំង ៦រដូវកាល
ប្រែសម្រួល៖ វ៉ាន់ថន ប្រភព៖ abs-cbnnews© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
