Clara Lee ប្រាប់ថា ចង់សម្ដែងរឿងជាមួយ លី តឺហួរ

2015-01-30 13:38:58
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសិចស៊ី សញ្ជាតិកូរ៉េខាងត្បូង-អង់គ្លេស Clara Lee ចង់សម្ដែងរឿងហុងកុងឱ្យបានច្រើន ក្នុងពេលអនាគត ជាពិសេសសម្ដែងជាមួយ តារាជើងចាស់ លី តឺហួរ។ Clara ប្រាប់ឱ្យដឹងបែបនេះ បន្ទាប់ពីនាង បានថតខ្សែភាពយន្ត "Corgi Prince" របស់ចិនជាលើកទី១រួចមក។

ផ្អែកតាមរបាយការណ៍លើសារព័ត៌មាន Oriental Daily News តារាបង្ហាញម៉ូដវ័យ២៩ឆ្នាំ ដែលបានចូលរួមកម្មវិធីភាពយន្តខាងលើនិយាយថា "ហុងកុងអស្ចារ្យ...ការថតគួរឱ្យពេញចិត្ត ហើយខ្ញុំបានស្គាល់មិត្តភ័ក្តិច្រើន"។

តារាកំពុងមានរឿងប្ដឹងផ្ដល់ ជាមួយផលិតកម្ម Polaris Entertainment បន្តថា “ក្ដីសុបិនរបស់ខ្ញុំ គឺចង់សម្ដែងជាមួយតារាស្រី Zhang Ziyi និង Andy Lau (លី តឺហួរ)។ ខ្ញុំជឿថា ខ្ញុំមានសមត្ថភាពសម្ដែងភាពយន្ត"។

តារាចូលចិត្តលេងខ្លួនសិចស៊ីសង្ឃឹមថា "Corgi Prince" នឹងជាចំណុចចាប់ផ្ដើម នៃបង្កើតកិច្ចសហការឱ្យកាន់តែច្រើន។ នាងបានបង្ហាញពីបំណងប្រាថ្នាថា ចង់នៅហុងកុងឱ្យយូរ ដើម្បីរៀនភាសាចិន។

ក្នុងរឿង "Corgi Prince" ក៏មានវត្តមានតារាស្រីជើងចាស់ Nina Paw តារាចម្រៀងតៃវ៉ាន់ Prince Chiu និង តារាស្រីសិចស៊ី Rainky Wai ចូលរួមសម្ដែងផងដែរ៕

Clara ពាក់កណ្ដាលស្រាត លើទស្សនាវដ្ដី ‘GQ Taiwan’

អាម៉ាប់ និងលីតឺហួរ បញ្ចប់ការថតរឿង “Old Guard” ដោយជោគជ័យ

ប្រែសម្រួល៖ អ៊ុំ សុភក្តិ ប្រភព៖ Yahoo