តាម៉ាប់ និងលីតឺហួរ បញ្ចប់ការថតរឿង "Old Guard” ដោយជោគជ័យ

2014-10-07 22:51:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្ត "Old Guard” ដែលជាស្នាដៃថ្មីរបស់តារាសម្ដែង និងអ្នកដឹកនាំរឿងហុងកុង Sammo Hung (អាម៉ាប់) រួមជាមួយ Andy Lau (លីវតឺហួរ) បានបញ្ចប់ការថតដោយជោគជ័យ កាលពីពេលថ្មីៗនេះ បន្ទាប់ពីចំណាយពេលថតអស់រយៈពេលជិតពីរខែ។

“The Old Guard” គឺជាការដឹកនាំ និងសម្ដែងតួឯកផ្ទាល់របស់តារាវ័យ៦២ឆ្នាំ Sammo Hung។ ចំណែក លី តឺហួរ គ្រាន់តែជាតួរាយរងម្នាក់ប៉ុណ្ណោះ។ Sammo សម្ដែងជាតួអង្គរក្សចូលនិវត្តន៍ម្នាក់ដែលត្រូវត្រលប់មកកាន់ការងាររបស់ខ្លួនវិញ ដើម្បីជួយសង្គ្រោះនារីម្នាក់ដែលក្លាយជាមុខសញ្ញារបស់ក្រុមវាយប្រហារ បន្ទាប់ពីឪពុករបស់នាងបានលួចយកពេជ្រដ៏មានតម្លៃ និងរត់គេចខ្លួនបាត់។ ឪពុកម្នាក់នោះ សម្ដែងដោយ លី តឺហួរ។

ភាពយន្តនេះបានចាប់ផ្ដើមថតកាលពីខែសីហា ដោយជ្រើសរើសទីតាំងនៅប្រទេសចិន និងប្រទេសរុស្ស៊ី និងត្រៀមចេញបញ្ចាំងនៅឆ្នាំ២០១៥ខាងមុខនេះ។ ក្រៅពីតារាទាំងពីរដួង ភាពយន្តនេះមានការចូលរួមពីតារាផ្សេងៗទៀតដូចជា Deng Chao Wang Xeubing។

ទស្សនាសកម្មភាពថត និងពិធីជប់លៀងបញ្ចប់ការថតរឿងរបស់ពួកគេខាងក្រោមនេះ៖