Justin Bieber ធ្វើឲ្យ Ellen ភ្ញាក់ផ្អើល សម្រាប់ថ្ងៃខួបកំណើត

2015-01-30 18:48:40
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប៉ុប Justin Bieber បានធ្វើឲ្យពិធីការីនី Ellen DeGeneres ភ្ញាក់ផ្អើល និងរំភើបចិត្ត ចំពោះវត្តមានពិសេសរបស់គេ ក្នុងកម្មវិធី The Ellen DeGeneres Show ដែលចាក់ផ្សាយកាលពីថ្ងៃព្រហស្បតិ៍។

មុនចូលរួមកម្មវិធី តារាចម្រៀងវ័យ ២០ឆ្នាំ Justin Bieber បានថតវីដេអូខ្លីមួយដើម្បីជូនពរថ្ងៃកំណើត របស់អ្នកស្រី Ellen ដែលទើបឈានចូលវ័យ ៥៧ឆ្នាំ កាលពីថ្ងៃទី២៦ ខែមករា កន្លងទៅ ប៉ុន្តែមិនបានឲ្យអ្នកស្រីដឹងជាមុនឡើយ ថាគេនឹងចូលរួមក្នុងកម្មវិធីនេះ។ ក្រោយវីដេអូឃ្លីបបញ្ចប់ Justin Bieber បានចេញមកបង្ហាញខ្លួនលើឆាក ដោយនាំយកនូវបាច់ផ្កា និងកាដូពិសេសសម្រាប់អ្នកស្រី Ellen គឺខោលីអូ Calvin Klein។

ក្រោយពីស្វាគមន៍គ្នាទៅវិញទៅមក អ្នកស្រី Ellen បាននិយាយថា "អរគុណដែលបានបង្ហាញខ្លួននៅទីនេះ សម្រាប់ខួបកំណើតរបស់ខ្ញុំ។ អ្នកពិតជាគួរឲ្យស្រឡាញ់មែនទែន"។

ម្ចាស់បទ “Boyfriend” ក៏បានរំឭកដែរពីវត្តមានលើកដំបូងបំផុតរបស់គេក្នុងកម្មវិធីនេះដែរ ដោយកាលនោះគេមានអាយុត្រឹមតែ ១៥ឆ្នាំប៉ុណ្ណោះ។ Justin Bieber និយាយថា “ខ្ញុំចាំបានថា ពេលនោះខ្ញុំមានអារម្មណ៍ភ័យមែនទែន។ នោះជាលើកដំបូងហើយដែលខ្ញុំបានចូលកម្មវិធីធំៗតាមទូរទស្សន៍។ ខ្ញុំភ័យបំផុតពេលឡើងឆាកនៅមុខមនុស្សជាច្រើន បើទោះជាពេលនោះខ្ញុំមិនបានច្រៀងក៏ដោយ"។

វីដេអូ Justin Bieber ចូលរួមកម្មវិធី Ellen Show ម្សិលមិញ៖