គ្រាន់តែមួយថ្ងៃ Jack Ma ខាតអស់ ១,៤ពាន់លានដុល្លារ
- 2015-01-31 13:32:37
- ចំនួនមតិ 0 | ចំនួនចែករំលែក 0
គ្រាន់តែមួយថ្ងៃ Jack Ma ខាតអស់ ១,៤ពាន់លានដុល្លារ
ចន្លោះមិនឃើញ
ស្ថាបនិកក្រុមហ៊ុនលក់ទំនិញអនឡាញ Alibaba មហាសេដ្ឋី Jack Ma កាលពីថ្ងៃព្រហស្បតិ៍កន្លងទៅ បានខាតបង់ប្រាក់ផ្ទាល់ខ្លួនអស់ ១,៤ពាន់លានដុល្លារ ដោយសារភាគហ៊ុនដាំក្បាលចុះ ក្រោយពេលក្រុមហ៊ុនមិនបានសម្រេចប្រាក់ចំណូលដូចការរំពឹងទុក។
ការខាតបង់យ៉ាងធំបំផុតក្នុងចំណោមមហាសេដ្ឋីកំពូលគេទាំង ៤០០នាក់នេះ បានធ្វើឲ្យលោក Wang Jianlin ជំនួសដំណែងជាអ្នកមានដាច់គេនៅចិនវិញម្ដង។ បើយោងតាមតារាងមហាសេដ្ឋីរបស់គេហទំព័រ Bloomberg លោក Wang ដែលជាមហាសេដ្ឋីអចលនទ្រព្យ មានទឹកប្រាក់លើសលោក Jack Ma ៤០០លានដុល្លារ ខណៈបច្ចុប្បន្នមហាសេដ្ឋីទំនិញអនឡាញនេះនៅសល់ទ្រព្យត្រឹម ២៦,៣ពាន់លានដុល្លារ។
មហាសេដ្ឋីវ័យ ៥០ឆ្នាំ Jack Ma ដែលជាអ្នកប្រមូលគេហទំព័រផ្សាយពាណិជ្ជកម្មអ៊ីនធឺណិតធំជាងគេលើពិភពលោក បានធ្លាក់ទ្រព្យសម្បត្តិអស់ ៤,១ពាន់លានដុល្លារ គិតតាំងពីថ្ងៃទី១០ ខែវិច្ឆិកា ឆ្នាំ២០១៤ មក។
ចុចអាន៖ ជាអ្នកសុំទាន តែមានលុយជិត ១ពាន់ដុល្លារជាប់ខ្លួន
ប្រែសម្រួល៖ គង់ វិសាល ប្រភព៖ bloomberg