ក្នុង​ឈុត​មួយ​នៃ​កម្មវិធី "Brave Family” ដែល​ចាក់​ផ្សាយ​លើ​ទូរទស្សន៍ KBS កាល​ពី​​យប់​ថ្ងៃ​ទី​៣០ ខែ​មករា តារា​ស្រី​កូរ៉េ​ ៣​រូប រួម​មាន​ សមាជិក​ក្រុម AOA Seolhyun, តារា​សម្ដែងShim Hye Jin និង Choi Jung Won បាន​មក​ទិញ​ម្ហូប នៅ​ផ្ទះ​អ្នក​ភូមិ​ម្នាក់​នៅ​ប្រទេស​កម្ពុជា។ ដោយ​ក្នុង​កម្មវិធី​នោះ ពួក​គេ​ដើរ​តួ​ជា​គ្រួសារ​​មាន​ជីវភាព​មិន​សូវ​ធូរធារ ដូច្នេះ​គ្រប់​ឥវ៉ាន់​ត្រូវ​ត​ថ្លៃ​គ្រប់​មុខ ហើយ​ចុង​ក្រោយ​សុំ​ថែម​ក្រូច​ឆ្មារ​ទៀត ធ្វើ​ឲ្យ​អ្នក​លក់​ហួស​ចិត្ត​លែង​និយាយ។

ទស្សនា​វីដេអូ​ខាង​ក្រោម​នេះ៖

http://youtu.be/49zEqNhOvWk

"Brave Family" គឺ​ជា​កម្មវិធី​ថ្មី​ ដែល​បង្ហាញ​ពី​ការ​រស់​នៅ​របស់​គ្រួសារ​តារា​កូរ៉េ ក្នុង​នាម​ជា​ជនបរទេស​នៅ​ប្រទេស​ផ្សេង​ៗ និង​ការ​សម្រប​ខ្លួន​របស់​ពួក​គេ​ទៅ​តាម​របៀប​រស់​នៅ​នៃ​ប្រជាជន​ក្នុង​តំបន់​ទាំង​នោះ។​ តារា​ចម្រៀង និង​សម្ដែង​កូរ៉េ​ចំនួន ៦​រួប រួម​មាន​តារា​ចម្រៀង Kang Minhyuk សមាជិក​ក្រុម CNBLUE, តារា​ចម្រៀង Seolhyun សមាជិក​ក្រុម AOA, តារា​កំប្លែង Park Myung Soo រួម​ទាំង​តារា​សម្ដែង Lee Moon Sik, Shim Hye Jin និង Choi Jung Won បាន​មក​ថត​កម្មវិធី​នេះ​ចំនួន ៥​ថ្ងៃ​ ៦យប់​នៅ ប្រទេស​កម្ពុជា​កាល​ពី​ដើម​ខែ​កន្លង​ទៅ។ ពួក​គេ​ដើរ​តួ​ជា​ក្រុម​គ្រួសារ​មួយ​ក្រុម​ដែល​រស់​នៅ​លើ​ភូមិ​​អណ្ដែត​ទឹក​មួយ​លើ​បឹង​ទន្លេសាប៕

ចុច​អាន៖អ្នក​គាំទ្រ​ AOA ក្ដៅ​ក្រហាយ​រឿង Seolhyun ត្រូវ​គេ​វាយ​ក្បាល​ពេល​មក​ថត​នៅ​​កម្ពុជា

ដោយ៖ វ៉ា់ន់ថន ប្រភព៖ Youtube