តាំង ឈិនសុធី ទោះត្រូវគេវ៉ៃ គេដេញយ៉ាងណា ក៏មិនបោះបង់អាជីពអ្នកថតរូបនេះដែរ

2015-02-02 16:25:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងកាត់ការងារប្រមាណជិត ២០ ឆ្នាំមកនេះ អ្នកថតរូបអាជីព ប្រចាំទីភ្នាក់ងារព័ត៌មានបារាំង A F P លោក តាំង ឈិន សុធី បាននិយាយថា លោកជួបប្រទះការលំបាក និង គ្រោះថ្នាក់ជាច្រើនស្ទើររាប់មិនអស់ ពេលខ្លះប្រឈមនឹងក្រុមសមត្ថកិច្ច ក្រុមបាតុករ ត្រូវគេដេញ សម្លុតគំរាម តែទោះយ៉ាងណាលោកមិនបោះបង់ការងារនេះឡើយ ព្រោះជានិស្ស័យស្រលាញ់តាំងពីតូច។

លោក តាំង ឈិន សុធី កំពុងបង្រៀនពីរបៀបថតរូប

ជួនកាលពេលចុះទៅថត លោកត្រូវពាក់មួកសុវត្ថិភាព អាវការពារផងដែរ។ ជាក់ស្ដែង ដូចព្រឹត្តិការណ៍មួយនៅឆ្នាំ ២០១៣ លោកបានទៅថតព្រឹត្តិការណ៍បាតុកម្មមួយ ហើយត្រូវសមត្ថកិច្ចដេញវាយ ឯក្រុមបាតុករស្រែកគំរាម សម្លុតទៀតផង។ លោកសុ ធី ថា កម្លាំងសមត្ថកិច្ច ជួនកាលគាត់មិនយល់ដឹងផ្នែកព័ត៌មាន គាត់អាចមានការភ័ន្តច្រឡំ គាត់មិនត្រឹមតែបង្ក្រាបបាតុករ តែជួនកាលវាយអ្នកការសែតដែរ។ នេះជាលំបាកដែលអ្នកថតរូបត្រូវតែប្រយ័ត្នប្រយែង គិតគូរ មុននឹងចុះទៅថតព្រឹត្តិការណ៍បាតុកម្ម ឬមានការប៉ះទង្គិចរវាងប៉ូលិស និង បាតុករ ព្រោះពេលខ្លះ អ្នកថតរូបទៅថតកៀកនឹងសមត្ថកិច្ចពេក ដែលកំពុងតែធ្វើការបង្ក្រាបក្រុមបាតុករ។ ដូច្នេះត្រូវមានសម្ភារៈគ្រប់គ្រាន់មុននឹងចុះទៅថតរូប ដើម្បីការពារប្រឈមនឹងគ្រោះថ្នាក់ផ្សេងៗ។

លោក តាំង ឈិន សុធី កំពុងថតរូប

បញ្ហាលំបាកៗកន្លងមកមិនបានធ្វើឲ្យអ្នកថតរូបតាំងពីឆ្នាំ ១៩៩៦ នេះ បោះបង់ឡើយ តែលោកថែមទាំងមានមោទនភាពនឹងកិច្ចការងារនេះ ព្រោះការងារថតរូបបង្រៀនលោកទទួលបានចំណេះដឹងជាច្រើន។ លោក តាំង ឈិន សុធី ប្រាប់ថា អ្នកថតរូបត្រូវតែចេះកសាងកេរ្តិ៍ឈ្មោះ រៀនសូត្រពីអ្នកថតរូបមុនៗ កាលណាយើងមានឈ្មោះ នោះការងារនឹងរត់មករកអ្នកដោយផ្ទាល់៕

សូមទស្សនាវីដេអូខាងក្រោម

http://youtu.be/UWP9uLRYK6s

សូមអាន៖ ទៅប្រទេសគេខ្លះ ចង់ថត Selfies អត់បានទេ គេហាមណា៎!

អត្ថបទ៖ សុនា