រឿង៧យ៉ាងដែលអ្នកគួរធ្វើជាមួយបុរសដែលអ្នកស្រលាញ់នៅថ្ងៃ Valentine

2015-02-05 16:08:14
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទិវានៃក្ដីស្រឡាញ់ខាងមុខ តើមិត្តៗនារីមានគម្រោងអ្វីសម្រាប់មិត្តប្រុស ឬស្វាមីហើយឬនៅ? បើមិនទាន់ទេ Sabay សូមណែនាំរឿងគួរឲ្យស្រឡាញ់៧យ៉ាង ដែលអ្នកគួរធ្វើនៅទិវានៃក្ដីស្រឡាញ់ ដែលធានាថានឹងធ្វើឲ្យស្នេហាអ្នកផ្អែមជាងស្ករទៅទៀត៖

១. ចែករំលែកការ៉េមគ្នាញ៉ាំ

រឿងដែលចាប់ផ្ដើមធ្វើដំបូងនៅទិវានៃក្ដីស្រឡាញ់ គឺការទិញការ៉េមមួយកែវមក ហើយអង្គុយញ៉ាំពីរនាក់។ វិធីនេះធ្វើឲ្យស្នេហារបស់អ្នកកាន់តែផ្អែមល្ហែមជាងការ៉េមមួយកែវនោះទៀត។

២. មើលកុនស្នេហា

នៅថ្ងៃនោះរឿងដែលសំខាន់មិនអាចភ្លេចបាន គឺនាំគ្នាទៅមើលកុនស្នេហារ៉ូមែនទិកផ្សេងៗ តែគួរជៀសវាងកុនបែបសង្គ្រាម បាញ់បោះ វាយប្រហារបែបរន្ធត់។

៣. ញ៉ាំអាហារក្នុងផ្ទះតែពីរនាក់

នៅថ្ងៃពិសេសនោះ គូស្នេហ៍ជាប្ដីប្រពន្ធភាគច្រើនបានណាត់គ្នាទៅទទួលទានអាហារនៅខាងក្រៅ តែទីនោះគ្មានបរិយាកាសល្អសម្រាប់ឲ្យអ្នកសាសងគ្នាទេ។ ជម្រើសដ៏ល្អគួរតែរៀបចំអាហារពេលល្ងាចញ៉ាំនៅផ្ទះតែពីរនាក់។

៤. ចម្អិនអាហារជាមួយគ្នា

ការចម្អិនអាហារជាមួយគ្នា គឺជារឿងពេញនិយមមួយសម្រាប់គូស្នេហ៍ជាស្វាមីភរិយា ព្រោះវាអាចឲ្យមនុស្សពីរនាក់ចែករំលែកចំណង់ចំណូលចិត្ត និងស្វែងយល់ពីរបៀបរស់នៅជាមួយគ្នាកាន់តែច្រើន។

៥. ច្រៀងចម្រៀងរួមគ្នា

ការច្រៀងចម្រៀងស្នេហាជាមួយគ្នា ជារឿងមិនគួរមើលរំលងបាន ព្រោះពេលច្រៀងធ្វើឲ្យមនោសញ្ចេតនារបស់អ្នកទាំងពីរវេញត្របាញ់ចូលគ្នា ហើយវារឹតតែអស្ចារ្យទៀតនោះ គឺច្រៀងចំថ្ងៃពិសេសបែបនេះ។

៦. ផ្ដល់ស្នាមថើប

ស្នាមថើបដែលត្រូវផ្ដល់ឲ្យភាគីម្ខាងទៀត គឺជាការថើបយ៉ាងត្រជាក់ចិត្ត ហើយមិនត្រូវថើបខ្លាំងៗពេកទេ ត្រូវថើបដោយកាយវិការទន់ភ្លន់។

៧. លេងហ្គេមប្រណាំងគ្នា

វិធីដែលអាចធ្វើឲ្យថ្ងៃពិសេសនោះកាន់តែសប្បាយរីករាយថែមទៀតអ្នកអាចលេងហ្គេម ភ្នាល់គ្នាជាមួយគាត់ ហើយបើភាគីម្ខាងទៀតចាញ់ត្រូវសម្របតាមអ្នកឈ្នះដូចជាអ្នកអាចបញ្ជា ឲ្យគាត់រាំ ឬអ្វីផ្សេងទៀតតាមចិត្តអ្នក។

៨. ជូនផ្កា

មនុស្សភាគច្រើនគិតថាការជូនផ្កាគួរតែជាភាគីខាងប្រុសជាអ្នកធ្វើ ប៉ុន្តែវិធីនេះភាគីខាងស្រីជាអ្នកធ្វើវិញធ្វើឲ្យសុភាពបុរសមានចិត្តរំភើប និងភ្ញាក់ផ្អើលចំពោះកាយវិការបែបនោះ៕

ចុចអាន៖ តើធ្វើម្ដេចទៅដើម្បីក្លាយជាមិត្តប្រុសដ៏ល្អម្នាក់?

ប្រែសម្រួល៖ទ្រី រ៉ាវី ប្រភព៖youqueen