ដឹង មាស សុខសោភា មានរថយន្ត ប៉ុន្មានគ្រឿងអត់?

2015-02-05 18:11:06
ចំនួនមតិ 0 | ចំនួនចែករំលែក 0

ចន្លោះមិនឃើញ

មាស សុខ សោភា ត្រូវបានគេដឹងថា ជិះរថយន្តម៉ាក Range Rover ប៉ុន្តែចូលដល់ឆ្នាំ ២០១៥ តារាចម្រៀងល្បីឈ្មោះម្នាក់នេះ បែរជាមកជិះ ម៉ាក Land Cruiser Prado ហើយថែមទាំងបើកបរដោយខ្លួនឯងថែមទៀតផង។ តើប្រិយមិត្តដឹងទេថា រហូតមកទល់នឹងពេលនេះ មាស សុខសោភា ប្រើរថយន្ដប៉ុន្មានហើយ?

កាលពីថ្ងៃទី ២០ ខែ មករា ឆ្នាំ ២០១៥ កន្លងទៅ គ្រាដែល មាស សុខសោភា បានទៅច្រៀងឲ្យផលិតកម្មបុប្ផានៅឯវត្តមួយក្នុង សង្កាត់ស្ទឹងមានជ័យ នាងបានជិះរថយន្តម៉ាក Land Cruiser Prado ហើយថែមទាំង បើកបរដោយខ្លួនឯងថែមទៀតផង។ សិល្បករ-សិល្បៈការិនី ក៏ដូចជា ប្រជាពលរដ្ឋ ដែលបានទៅចូលរួមកម្មវិធីនោះ បានចោលក្រសែភ្នែកទៅមើលនាងស្ទើរគ្រប់ៗគ្នា ហើយលាន់មាត់ថា ចុមៗ មាស សុខសោភា ល្បីប៉ុណ្ណឹងដែរ ម៉េចបានជិះរថយន្តធម្មតាៗ ហើយបើកបរដោយខ្លួនឯងអីចឹង! បើទោះបីជាមានចម្ងល់បែបនេះក្ដី ពូកគេមិនហ៊ានសួរទៅ មាស សុខសោភា ឡើយ។

ដើម្បីស្រាយចម្ងល់នេះ កញ្ញា មាស សុខសោភា បានប្រាប់ Sabay នៅព្រឹកនេះថា ការពិតរថយន្តដែលនាងជិះរាល់ថ្ងៃមានរហូតដល់ទៅ ៣ គ្រឿង ឯណោះ ប៉ុន្តែ ដើម្បីសុវត្ថិភាពផ្ទាល់ខ្លួន នាងមិនអាចប្រាប់ម៉ាករថយន្តទាំងនោះឡើយ។ នាងបានបន្តថា តែងតែផ្លាស់ប្ដូរចុះឡើងៗជានិច្ច មិនបានគិតថា ម៉ាក់នេះថ្លៃ ឬ ថោក ជិះទៅ ធ្លាក់កាលីបឡើយ។ ចំពោះ ការបើកបរដោយខ្លួនឯងវិញ តារាចម្រៀងស្រីល្បីឈ្មោះម្នាក់នេះ បញ្ជាក់ប្រាប់ថា មកពីតៃកុង ជាប់រវល់ ហើយការបើកបរដោយខ្លួនឯង មិនមែនជារឿងថ្មីសម្រាប់នាងឡើយ វាក្លាយជាទម្លាប់ទៅហើយ។

ទោះយ៉ាងណា កញ្ញា មាស សុខសោភា មិនបានប្រាប់ពីតម្លៃរថយន្តនីមួយៗរបស់នាងឡើយ ប៉ុន្តែនាងបានលើកឡើងជាចុងក្រោយថា រថយន្ត ៣ គ្រឿង ដែលនាងមានរាល់ថ្ងៃមិនច្រើនទេសម្រាប់នាង ព្រោះក្នុងក្រុមគ្រួសារមានសមាជិកច្រើនដែលត្រូវប្រើប្រាស់៕