បែកធ្លាយនៅថៃមានលក់ម្ហូបលើនារីអាក្រាតកាយ ដូចប្រទេសជប៉ុន

2015-02-06 21:58:37
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកអ្នកប្រាកដជាធ្លាប់ល្បី អាហារប្រពៃណីជនជាតិជប៉ុនស៊ូស៊ី ត្រូវគេដាក់លក់លើនារីអាក្រាតកាយរូបស្រស់ នៅតូក្យូ និងតំបន់ផ្សេងៗទៀតនាប្រទេសជប៉ុន និងប្រទេសចិន។ ពេលនេះនៅប្រទេសថៃ ឯខេត្តប៉ាតាយ៉ា ក៏មានការបែកធ្លាយថាបានបើកលក់អាហារនៅលើរាងកាយមនុស្សស្រីអាក្រាត ដូចនៅបណ្ដាប្រទេសទាំងនោះដែរ។

បន្ទាប់ពីតាមដាន និងកំណត់មុខសញ្ញាបានតាមអ៊ីនធឺណិត កាលពីរសៀលម្សិលមិញប៉ូលិសខេត្តប៉ាតាយ៉ា បានឈានទៅដល់ការបង្ក្រាបទីតាំងលក់ស៊ូស៊ីលើដងខ្លួននារីអាក្រាតកាយដ៏ល្បីឈ្មោះមួយកន្លែង។ ប៉ូលិសបានសាកសួរបុរសវ័យ ៣៨ឆ្នាំម្នាក់ ឈ្មោះ Apichart Wongsuriya ជាបុគ្គលិកភោជនីយដ្ឋាន ព្រមទាំងបង្ហាញវីដេអូ និងម៉ឺនុយភស្តុតាង ដែលបញ្ជាក់ថាភោជនីយដ្ឋានមានបម្រើម្ហូបលើដងខ្លួននារីគ្មានសំលៀកបំពាក់កាលពីយប់ មុនពេលឆ្មក់ចូលនេះ។

លោក Apichart បានប្រាប់មន្ត្រីប៉ូលិសថា ភោជនីយដ្ឋានគឺកម្មសិទ្ធិរបស់បុរសជនជាតិអូស្ត្រាលីម្នាក់ ឈ្មោះថា Jason និងបើកប្រតិបត្តិការរយៈពេល ៣ឆ្នាំមកហើយ។ បុគ្គលិករូបនេះ បានបន្តទៀតថា លោក Jason មិនឲ្យខ្លួនបើកទ្វារភោជនីយដ្ឋានទេ បន្ទាប់ពីបែកធ្លាយរូបថតចេញពីអតិថិជន និងចាប់ផ្ដើមល្បីលើអ៊ីនធឺណិត។

បើតាមសេចក្ដីរាយការណ៍ពីសារព័ត៌មាន Spring News ពេលនេះ មន្ត្រីប៉ូលិសបានឃាត់ខ្លួនលោក Apichart ដើម្បីសាកសួរបន្ថែមកំណត់មុខសញ្ញា ឈានទៅចាប់ខ្លួនម្ចាស់ភោជនីយដ្ឋាន ព្រមទាំងនារីអាក្រាតកាយ ដែលបង្ហាញនៅលើរូបថតផ្សព្វផ្សាយ និងវីដេអូបែកធ្លាយនៅលើបណ្ដាញអ៊ីនធឺណិត។