បន្ទាប់​ពី​បង្ហាញ​រូបភាព និង​វីដេអូ​ខ្លី​ៗ​ជា​ច្រើន​​សប្ដាហ៍​មក ក្រុម​ចម្រៀង​នារី​កូរ៉េ​ខាង​ត្បូង 4minute បាន​បង្ហាញ​វីដេអូ​ចម្រៀង​បទ "Crazy” ជា​ផ្លូវ​ការ​ហើយ​នៅ​ព្រឹក​ថ្ងៃ​ចន្ទ​នេះ។

សម្រាប់​អាល់ប៊ុម​ថ្មី​នេះ សមាជិក​ទាំង ៥​របស់ 4minute បាន​បង្ហាញ​ស្ទីល​ថ្មី​ប្លែកៗ និង​សិចស៊ី​ ទាំង​ក្បាច់​រាំ និង​ម៉ូដ​សំលៀក​បំពាក់។ 4minute នឹង​ចាប់​ផ្ដើម​សម្ដែង​បទ​ថ្មី​នេះ ក្នុង​កម្មវិធី​ប្រគំ​តន្ត្រី​ផ្សេង​ៗ​នៅ​សប្ដាហ៍​នេះ ដើម្បី​ផ្សព្វផ្សាយ​អាល់ប៊ុម​ថ្មី​របស់​ពួក​គេ។

មុន​ចេញ​បទ "Crazy” នេះ 4minute បាន​ចេញ​បទ​ចម្រៀង​មនោសញ្ចេតនា​មួយ​បទ​កាល​ពី​ថ្ងៃ​ទី​២៥ ខែ​មករា ​មាន​ចំណង​ជើង​ថា "Cold Rain” និង​បាន​ជាប់​ចំណាត់ថ្នាក់​លេខ​មួយ​លើ​តារាង​ចម្រៀង​ជា​ច្រើន​នៅ​កូរ៉េ។

ក្រុម​ចម្រៀង 4minute ត្រូវ​បាន​បង្កើត​ឡើង​ដោយ​ផលិតកម្ម Cube Entertainment ដោយ​មាន​សមាជិក​៥​រូប​រួម​មាន Nam Ji-hyun, Heo Ga-yoon, Jeon Ji-yoon, Kim Hyun-a, និង Kwon So-hyun។ ពួក​គេ​បាន​ចេញ​បទ​ចម្រៀង​ដំបូង "Hot Issue” កាល​ពី​ឆ្នាំ​២០០៩។

ឥលូវ​នេះ សូម​ទស្សនា​បទ​ចម្រៀង "Crazy” តែ​ម្ដង​ថា​តើ​ មាន​គួរ​ឲ្យ​ចាប់​អារម្មណ៍​យ៉ាង​ណា​ដែរ?

http://youtu.be/1nCLBTmjJBY

ទស្សនា​បទ "Cold Rain” ដែល​ចេញ​កាល​ពី​ពីរ​សប្ដាហ៍​មុន៖

http://youtu.be/ZT9zbZGB2gE

យ៉ាង​ណា​ដែរ ស្ទីល​ថ្មី​របស់ 4minute?

ចុច​មើល៖Hello Venus បទ​ថ្មី​សិចស៊ី​គ្រប់​ចលនា សម្រាប់​អាយុ ១៩+