យ៉ាដាវ ប្រឆាំងមិត្តភ័ក្ដិរឿងនៅសុខៗឲ្យកែដើមទ្រូង

2015-02-10 19:14:35
ចំនួនមតិ 0 | ចំនួនចែករំលែក 0

ចន្លោះមិនឃើញ

"អត់...អត់ហ៊ានវះកាត់កែអីទេបង...ខ្លាច...ខ្លាចឈឺណាស់!" តារាសម្ដែង និងដើរម៉ូដ កញ្ញា អេន យ៉ាដាវ ឆ្លើយតបជាមួយនឹងការប្រឹក្សាឲ្យនាងទៅវះកាត់កែសម្ផស្សផ្នែកខ្លះនៃរាងកាយរបស់នាង ដើម្បីមើលទៅកាន់តែសមសួន និងទាក់ទាញ។

ជាមួយនឹងការបដិសេធពីខាងលើ តារាស្រីសាច់សស្គុះរូបនេះ នៅប្រាប់ទៀតថា មកទល់នឹងពេលនេះ មួយតួខ្លួនរបស់នាង មិនទាន់មានកន្លែងណាមួយត្រូវបានកែកុនខុសពីធម្មជាតិនៅឡើយទេ។ ប៉ុន្តែថ្មីៗនេះ មានមិត្តភ័ក្ដិឲ្យដំបូន្មានថាឲ្យវះកាត់ពង្រីកដើមទ្រូងបន្តិចទៀត ព្រោះទំហំបច្ចុប្បន្នមិនទាន់សមល្មម។

“តែនិយាយទៅអៀនណាស់...មិត្តភ័ក្ដិគេថា អាដាវ អ្ហែងស្អាតទាំងអស់ ប៉ុន្តែទ្រូងតូចបន្តិច កែតិចទៅ ឥឡូវគេកែគគោក។ ខ្ញុំក៏គិតអីចឹងដែរ តែដូចប្រាប់បងឯង ខ្ញុំដូចខ្លាចៗម៉េចមិនដឹងទេ គឺខ្លាចឈឺ...មួយទៀតខ្លាចបញ្ហាផ្សេងៗអីចឹងណាបង!"។

ទំហំដើមទ្រូងពិតរបស់កញ្ញា អេន យ៉ាដាវ នាពេលបច្ចុប្បន្ន គឺ ៣៤ (លេខគិតតាមអាវ)។ តារាស្រីដែលកំពុងសម្ដែងក្នុងរឿង "ថាខូច ខូចមែន" ប្រាប់ថា មិត្តភ័ក្ដិកញ្ញា ឲ្យយោបល់ថា បើបន្ថែមទំហំខ្ទង់ ២ លេខទៀត កាន់តែស្អាតហើយទាក់ទាញ។ យ៉ាងណាកញ្ញា នៅតែប្រកាន់ចិត្តថាមិនហ៊ានព្រោះតែខ្លាចឈឺ។កញ្ញា ថា កុំថាឡើយដល់វះកាត់ សូម្បីតែចាក់ថ្នាំធម្មតាៗហ្នឹងក៏ខ្លាចដែរ។

កញ្ញា យ៉ាដាវ ជាមួយលោក ហាក់ ធៀមុន្នី និងលោក ប៉ែន ចំរុង ពេលសម្ដែងរឿង "ថាខូច ខូចមែន"(រូបផ្ដល់ដោយ៖ យ៉ាដាវ)

បន្ទាប់មិនចាប់អារម្មណ៍នឹងគំនិតកែកុនខ្លួនប្រាណ ពិសេសបរិវេណដើមទ្រូងនេះ។ យ៉ាដាវ ថ្លែងថា កញ្ញានឹងប្រកាន់យកវិធីថែទាំតាមបែបធម្មជាតិជំនួសវិញ។ "ខ្ញុំសុខចិត្តធ្វើតាមធម្មជាតិវិញ តាមដែលអ្នកផ្សេងគេធ្លាប់ធ្វើ ហើយក្រុមគ្រួសារ ពិសេសម៉ាក់ខ្ញុំ ក៏អត់ព្រមឲ្យកែដែរបង គាត់ថា បានប៉ុណ្ណាយកប៉ុណ្ណឹងទៅកូន(សើច)!”។

យ៉ាដាវ បញ្ជាក់ថា កញ្ញាខ្លួនឯងក៏ធ្លាប់គិតថា នឹងកែច្រមុះដែរកន្លងមក ប៉ុន្តែទីបំផុតនៅតែមិនហ៊ាន ព្រោះតែខ្លាចឈឺ ខ្លាចផលវិបាកផ្សេងៗ ដែលអាចនឹងកើតនាពេលខាងមុខ៕

អត្ថបទ ៖ ព្រះសង្ឃទស្សន៍ទាយថា ស្រីស្អាតរាងរាវ អេន យ៉ាដាវ មានគ្រោះស្នេហា

អត្ថបទ៖ ទារិកា