Selena Gomez ប្រកាសដំណឹងល្អជាមួយដៃគូថ្មី

2015-02-11 19:16:24
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងអាមេរិក Selena Gomez បានប្រកាសដំណឹងមួយដែលអ្នកគាំទ្ររបស់នាងជាច្រើនកំពុងទន្ទឹងរង់ចាំ គឺអំពីបទចម្រៀងថ្មីរបស់នាងជាមួយ DJ Zedd។

កាលពីថ្ងៃចន្ទ តារាចម្រៀងវ័យ ២២ឆ្នាំរូបនេះ បានបង្ហោះរូបភាពផ្អែមល្ហែមមួយជាមួយ DJ Zedd ដែលគេសង្ស័យថាជាសង្សារថ្មីរបស់នាង ដើម្បីផ្សព្វផ្សាយបទចម្រៀងថ្មីមួយបទជាមួយគ្នា គឺបទ "I Want You To Know” ដែលនឹងចេញលក់នៅថ្ងៃទី២២ ខែកុម្ភៈ ខាងមុខ។ ក្នុងរូបភាពនោះ Selena បានញញឹមឱនមុខពីក្រោយផលិតករចម្រៀងកូនកាត់អាល្លឺម៉ង់ - រុស្ស៊ី ដែលងាកមុខញញឹមមកកាមេរ៉ា។

ថ្មីៗនេះដែរ ព័ត៌មានជាច្រើនបានចុះផ្សាយថា ដៃគូថ្មីដ៏ស្អិតល្មួតមួយគូនេះ នឹងបណ្ដើរគ្នាចូលរួមកម្មវិធី Grammy Awards ប៉ុន្តែទីបំផុតអ្នកទាំងពីរមិនបានចូលរួមកម្មវិធីនោះឡើយ ដោយសារជាប់រវល់ថតបទចម្រៀងថ្មីជាមួយគ្នា នៅថ្ងៃនោះ។ នេះបើយោងតាមរបាយការណ៍គេហទំព័រ Hollywood Life។ បន្ទាប់ពីថតបទចម្រៀងនេះចប់ អតីតសង្សារតារាចម្រៀង Justin Bieber បានឡើងយន្តហោះទៅប្រទេសហ្សកហ្ស៊ី កាលពីថ្ងៃចន្ទ ដើម្បីបន្តថតខ្សែភាពយន្តថ្មី " The Revised Fundamentals Of Caregiving” ជាមួយ Craig Roberts និង Paul Rudd។

កាលពីខែមុន DJ Zedd ដែលមានឈ្មោះពិត Anton Zaslavski ក៏បានធ្វើដំណើរទៅទីក្រុង Atlanta ប្រទេសហ្សកហ្ស៊ី ជាមួយ Selena ដែរ នៅពេលដែលនាងថតភាពយន្តថ្មីនេះ។ នៅពេលនោះ អ្នកទាំងពីរត្រូវបានគេឃើញបណ្ដើរគ្នាជាច្រើនដង ដូចជាទៅញ៉ាំអាហារ និងលេង Bowling ជាមួយគ្នា។ ទោះយ៉ាងណា Selena មិនទាន់បញ្ជាក់ផ្ទាល់មាត់ថា DJ វ័យ ២៥ឆ្នាំរូបនេះជាសង្សារថ្មីរបស់នាងនោះទេ ៕