Angelina Jolie ចង់បង្កើតសាលាប្រឆាំងអំពើហឹង្សាផ្លូវភេទលើស្ត្រីក្នុងសង្គ្រាម

2015-02-12 19:10:47
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងហូលីវូដ Angelina Jolie បាននិយាយថានាងសង្ឃឹមថា មជ្ឈមណ្ឌលសិក្សាពីស្ត្រី សន្តិភាព និងសន្តិសុខសម្រាប់ស្ត្រីដំបូងគេរបស់អង់គ្លេសនឹងផ្ដល់ប្រយោជន៍ច្រើនដល់ស្ត្រីរាប់លាននាក់ ក៏ដូចជាក្មេងស្រីជំទង់អ៊ីរ៉ាក់ម្នាក់ដែលនាងបានជួប គឺត្រូវពួករដ្ឋអ៊ីស្លាមជ្រុលនិយម ចាប់ធ្វើជាទាសករផ្លូវភេទដែរ។

Angelina Jolie ថ្លែងទៅអ្នកសារព័ត៌មាន ពេលទៅសួរសុខទុក្ខជនភៀសខ្លួនឃឺដ

នៅភាគខាងជើងអ៊ីរ៉ាក់ (២៥ មករា ២០១៥)

ក្នុងពិធីបើកមជ្ឈមណ្ឌលនេះនៅសាកលវិទ្យាល័យសេដ្ឋកិច្ចទីក្រុងឡុងដុង កាលពីថ្ងៃអង្គារ Jolie បាននឹកឃើញដល់ក្មេងស្រីវ័យ១៣ឆ្នាំម្នាក់ ដែលនាងនិយាយជាមួយនៅប្រទេសអ៊ីរ៉ាក់កាលពីបីសប្ដាហ៍មុន។ នាងត្រូវពួកទាហានរដ្ឋអ៊ីស្លាមជ្រុលនិយម ចាប់រំលោភនិងទុកធ្វើជាទាសករសិច។

ក្មេងស្រីនោះអាចមិនបានបញ្ចប់ការសិក្សា ត្រូវរៀបការ ឬមានកូនដោយសារការចាប់រំលោភត្រូវបានគេចាត់ទុកថាជាអំពើអៀនខ្មាសបំផុត ក្នុងសង្គមរបស់នាង។

"អនាគតដ៏មានស្ថិរភាពមួយ មិនអាចកើតមានបានទេ បើឧក្រិដ្ឋកម្មប្រឆាំងស្ត្រីមិនត្រូវបានអើពើ ដែលធ្វើឲ្យក្មេងស្រី មិនអាចឈានដល់សក្តានុពលកំពូលរបស់ខ្លួន ហើយក្មេងៗឃើញម្ដាយរបស់ខ្លួនត្រូវជិះជាន់ រងហិង្សា និងសម្លាប់នោះ"។ តារាវ័យ៣៩ឆ្នាំបញ្ជាក់។

មានការចូលរួមពីអតីតរដ្ឋមន្ត្រីក្រសួងការបរទេស លោក William Hague នាឱកាសនោះ តារាសម្ដែងល្បី Jolie ថា នាងសង្ឃឹមថា មជ្ឈមណ្ឌលនឹងបញ្ចប់ការស្រាវជ្រាវ ហើយប្រមូលនូវទិន្នន័យស្ដីពីហិង្សាផ្លូវភេទក្នុងសង្គ្រាម និងស្វែងរកមធ្យោបាយ ដើម្បីបញ្ចប់ឧក្រិដ្ឋកម្ម ដែលកើតឡើងនៅតំបន់សង្គ្រាម។

កាលពីឆ្នាំទៅមិញ Jolie និង Hague បានរៀបចំកិច្ចប្រជុំសាកលមួយ ស្ដីពីអំពើហិង្សាផ្លូវភេទ ដើម្បីបង្ហាញពីសិទ្ធិរបស់ជនរងគ្រោះ៕

Angelina Jolie ចុះជួបជនរងគ្រោះដោយសារក្រុម ISIS ដល់ជំរំនៅអ៊ីរ៉ាក់

ប្រែសម្រួល៖ អ៊ុំ សុភក្តិ ប្រភព៖ Channelnewsasia