ដំណឹងល្អពីអាការៈជំងឺបេះដូង Ng Man Tat ដៃគូ ទិនហ្វី

2015-02-13 16:43:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់ និងជាដៃគូឆ្នើមរបស់ស្ដេចកំប្លែង ទិនហ្វី លោក Ng Man Tat កំពុងតែប្រឈមនឹងជំងឺបេះដូង ប៉ុន្តែពេលលោកចូលរួមក្នុងសន្និសីទកាសែតមួយបង្ហាញពីរឿង "Male Extreme Search Light" កាលពីថ្ងៃទី១០ ខែកុម្ភៈកន្លងទៅ ហាក់ដូចជាមានសុខភាពល្អជាងមុនច្រើន។

តារាសម្ដែងហុងកុង Man Tat ប្រាប់ថា ថ្មីៗនេះលោកបានធ្វើតាមការណែនាំ របស់គ្រូពេទ្យបុរាណម្នាក់ក្នុងកោះតៃវ៉ាន់ ពីរបៀបថែរក្សាបេះដូង តាមរយៈការប្រើទឹកក្ដៅ។

លោកបញ្ជាក់ពីរបៀបព្យាបាលថា វិធីថ្មីនោះគឺតម្រូវឱ្យលោកត្រាំទឹកក្ដៅស្អំពោះ។ “ចាប់តាំងពីខ្ញុំធ្វើតាមការណែនាំរបស់គាត់ (គ្រូពេទ្យ) បេះដូងរបស់ខ្ញុំ ប្រសើរជាងមុន ៦០% ទៅ ៧០%...សីតុណ្ហភាពទឹកប្រហែល ៣៨ ទៅ ៣៩ ដឺក្រេ ហើយមិនគួរឱ្យវាទទឹកត្រូវទ្រូងទេ"។

ក្នុងកម្មវិធីពានរង្វាន់ Hong Kong Film Awards' Best Supporting Actor តារាវ័យ៦៣ឆ្នាំថ្លែងទាំងរីករាយថា "វាជាការលើកទឹកចិត្តមួយ...វាកម្រណាស់ដែលងាយឱ្យមនុស្សស្គាល់យើង។ ខ្ញុំត្រូវតែចូលរួមកម្មវិធីនេះ ព្រោះខ្ញុំមិនបានចូលរួមអស់ច្រើនឆ្នាំមកហើយ... បើមិនចូលរួមទេ មនុស្សគ្រប់គ្នានឹងគិតថា ខ្ញុំចូលនិវត្ត"។

តារាមកពីខេត្ត ហ្វូចៀន ដែលច្រើនសម្ដែងជាមួយ ទិនហ្វី រូបនេះ ត្រូវបានគ្រូពេទ្យរកឃើញថា មានជំងឺបេះដូង កាលពីឆ្នាំទៅមិញ៕