ស្រីស្អាតស្លៀកឈុតខ្លាឃ្មុំផេនដា លុតជង្គង់សុំមិត្តប្រុសរៀបការ

2015-02-16 17:55:48
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវស្នេហារបស់នារីអ៊ុយក្រែនដ៏ស្រស់ស្អាតម្នាក់ ដែលបានលុតជង្គង់សុំមិត្តប្រុសរៀបការ បានធ្វើឲ្យមានការភ្ញាក់ផ្អើលពេញបណ្ដេញសង្គមហើយនៅពេលនេះ។

នារីដែលមានអាយុ២៦ឆ្នាំ ឈ្មោះ Sasha នោះ បានគ្រងសម្លៀកបំពាក់ខ្លាឃ្មុំផេនដាដ៏គួរឲ្យស្រលាញ់ និងបានរាំបទពេញនិយមមួយមានចំណងជើងថា " Xiao Pingguo" នៅកន្លែងដើរលេងមួយទីក្រុង Dujiangyan ប្រទេសចិន ពេលដែលមិត្តប្រុសរបស់នាងទៅទស្សនានៅទីនោះកាលពីព្រឹក១៤ កុម្ភៈ ចំថ្ងៃ Valentine’s Day ។ នាងបានដោះក្បាលខ្លាឃ្មុំចេញ ហើយលុតជង្គង់ពីមុខមិត្តប្រុសអាយុ ២៦ឆ្នាំ ឈ្មោះ Dabin អមដោយផ្កាមួយបាច់ ខណៈមហាជនជាច្រើនធ្វើជាសាក្សីស្នេហ៍ និងធ្វើឲ្យខាងប្រុសរំភើបចិត្ត រហូតសម្រេចចិត្តឆ្លើយយល់ព្រមយ៉ាងលឿន។

កញ្ញា Sasha បានមកសិក្សានៅទីក្រុង Chengdu ប្រទេសចិនបីឆ្នាំមកហើយ និងបានទាក់ទងគ្នាជាមួយកំលោះសង្ហារ Dabin ។ កញ្ញាបានបន្ថែមទៀតថាការដែលនាងស្លៀកពាក់បែបនោះ ព្រោះតែមិត្តប្រុសរបស់ខ្លួនចូលចិត្តខ្លាឃ្មុំផេនដា៕

ចុចអាន៖ស្រលាញ់គ្នាតាំងពីតូច រហូតបានគ្នាជាប្ដីប្រពន្ធ២៣ឆ្នាំក្រោយ

ប្រែសម្រួល៖ទ្រី រ៉ាវី ប្រភព៖shanghaiist