គូស្នេហ៍ចំណាស់ជាងគេនៅចិន ពេលនេះមានអាយុរួមគ្នា ២១៧ឆ្នាំហើយ

2015-02-18 15:08:05
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍ចំណាស់ ដែលរស់នៅក្រុង Yuzhou ខេត្ត Henan ពេលនេះមានអាយុបូកបញ្ចូលគ្នាស្មើនឹង ២១៧ឆ្នាំហើយ។ សមាគមមនុស្សចាស់នៃប្រទេសចិន ទើបផ្ដល់លិខិតបញ្ជាក់ឲ្យលោកតាលោកយាយទាំងពីរ ជាគូស្នេហ៍ចាស់ជាងគេនៅក្នុងប្រទេសចិនលើកទី៣ ជាប់គ្នា។

បច្ចុប្បន្ននេះ លោកតា Ping Muhu មានអាយុ ១០៩ឆ្នាំ ចំណែកលោកយាយជាភរិយាវិញ មានអាយុ ១០៨ឆ្នាំ ហើយពួកគេទាំងពីរនាក់បានរៀបអាពាហ៍ពិពាហ៍កសាងជីវិតរួមគ្នាអស់ ៩០ឆ្នាំ។

ប្ដីប្រពន្ធចាស់វស្សាទាំងពីរនាក់នេះ បានរស់នៅតកូនចៅ ៥ជំនាន់ និងនៅតែមានសុខភាពល្អ ស្មារតីរឹងមាំ។ នៅពេលសួរពីអាថ៌កំបាំងធ្វើឲ្យអាយុវែង គូស្នេហ៍នេះបានប្រាប់ថា ពូកគេរស់នៅតាមបែបជីវិតរីករាយ បើកអារម្មណ៍ឲ្យទូលាយ និងរស់នៅក្នុងលក្ខខណ្ឌល្អប្រសើរ៕