អ្នកគាំទ្រខ្លាចព្យុះកំបុតត្បូង កួចយកសមាជិក One Direction

2015-02-20 22:46:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយទទួលដំណឹងថាសមាជិកក្រុមចម្រៀងប្រុស One Direction Zayn Malik និង Louis Tomlinson នៅលើកោះ Hamilton ក្នុងទីក្រុង Queensland ប្រទេសអូស្ត្រាលី ក្រុមអ្នកគាំទ្របានបង្ហាញការព្រួយបារម្ភ លើបណ្ដាញ Twitter ជាហូរហែ ព្រោះពួកគេខ្លាចថា តារាពីរដួងនេះអាចនឹងរងគ្រោះដោយសារខ្យល់ព្យុះកំបុតត្បូង Marcia។

អ្នកគាំទ្រម្នាក់ដែលប្រើគណនីឈ្មោះ @DailyBailey3 បានឱ្យដឹងថា ម្ដាយរបស់គេបានជួប Louis នៅលើកោះកាលពីយប់ម្សិលមិញ។ អ្នកគាំទ្ររូបនេះបន្តថា "នេះគឺខ្ញុំទទួលបានរូបថតកាលពីយប់មិញនៅម៉ោង ១១ និង៥នាទី"។ @DailyBailey3 ក៏បង្ហាញសារឆ្លើយឆ្លងរវាងខ្លួនង និងម្ដាយទៀតផង។

មិនតែប៉ុណ្ណោះ @DailyBailey3 ថែមទាំងបានបង្ហាញរូបដំបូល និងរូបខាងក្រៅនៃភោជនីយដ្ឋាន Manta Ray ដែលនៅលើកោះនោះ ដើម្បីបញ្ជាក់ឱ្យកាន់តែច្បាស់។

ពេលសារព័ត៌មាន Daily Mail Australia ធ្វើការសាកសួរ Sony Music Australia ដែលជាតំណាងរបស់តារាខាងលើ ស្ថាប័នតន្ត្រីនេះឲ្យដឹងថា ក្នុងពេលនេះពួកគេមិនអាចប្រាប់ពីទីតាំងរបស់ Zayn Malik និង Louis Tomlinson បានឡើយ។ ទោះយ៉ាងណា ក្រុមអ្នកគាំទ្រនៅតែព្រួយពីសុវត្ថិភាពរបស់សមាជិក 1D បើសិនពួកគេនៅក្នុងតំបន់ដែលងាយទទួលរងខ្យល់ព្យុះនេះ។

កោះ Hamilton មានចម្ងាយ៥៣២គីឡូម៉ែត្រ ពីទីក្រុង Yeppoon ភាគខាងជើងដែលគេរំពឹងថា កោះនេះនឹងទទួលរងខ្យល់ព្យុះកំបុតត្បូង Marcia ថ្ងៃសុក្រនេះ។

One Direction បានទៅប្រគំតន្ត្រីទេសចរណ៍នៅអូស្ត្រាលី នៅដើមខែនេះ ហើយកាលពីថ្ងៃទី៧-៨ ពួកគេបានសម្ដែងក្នុងទីក្រុង Sydney។ ថ្ងៃទី១១ ខែកុម្ភៈ ពួកគេបានសម្ដែងនៅទីក្រុង Queensland មុនធ្វើដំណើរទៅភាគខាងត្បូងទីក្រុង Melbourne។ ចំណែកយប់ថ្ងៃនេះ ពួកគេនឹងទៅសម្ដែងនៅទីក្រុង Perth ៕